ch' tricotache
par maurice devos le, 24/04/2012j'vas chi vous n'apprinte in nouvelle pas fraiche , al date in effet d'chés années 1948 1949 pour el demarrache d'ech't'histoire
em'grand mère maternelle al tricotot énormémint , l'peu qu'ech'lé connue j'el vos toudis avec in aiguil à tricoter din sin chignon et trois din ses mains à travailler , et ch'tot pas l'peine d'essayer d'el suif ni même ed'suif ses dogts cha voltigeot incroiape , et jamais al a mis s'n'aiguil din s'neul al plache ed' sin chignon,
em'mère chétot parel , dés qu'al avot fini sin ménache , ses briquets, et sin diner ou souper , des qu'al avot 5 minutes , chétot pour printe sin tricot, et al même allure qu'es mêre, et malgré qu'al avot pas d'chignon al arrivot à piquer s'n'aiguil din ses caveux
et ché comme cha qu'mi j'ai décidé un jour ed' mi mette aussi, cha na pas été facile au début, tous les 4 dogts j'appelos em'mère "man j'ai perdu un point", des fos j'el veyos pas tout d'suite et cha faijot un tros
"man ya un tros" et y fallot qu'em'mère al rattrape cha , j'n'ai fais des cache nez au début au point d'mousse , pi apres cha a été des passe montane, et pi des gants à 5 dogts et à quate aiguil, et pi des ,,,,,,,,,,,,
j'vous dirai cha d'main la j'ai cor mes yux qui clipe , yé vrai qu'ech'viens d'finir em'sièste
Comme nous l'a espliqué notte ami Maurice, a faire sin tricotache comme es mémére et s'mére , i étot bin devenu "les petites mains" comme un dit achteur , tous cheux qui travale, qui bricole avec leu mains. i étot d'venu vizionnaire notte Maurice régional.
J' vas vous dire Adé mes gins et si l' coeur vous un dit faites comme li "les petites mains" chés un mot à la mode achteur.
kiki, Christian ed Levesano.
bonjour, ma grand mère savait faire des chaussettes mais en trois parties pour pouvoir réparer le talon ou la pointe du pieds en démontant les parties abîmées
ou alors en reprisant (façon tissu) j'ai toujours aimé tricoter, pull irlandais et autres jacquards par contre les "ajourées" pas doué du tout pourtant c'est très joli.
Par contre j'ai appris une autre façon de faire des chaussettes à quatre aiguilles, d'une pièce de la jambe à la pointe sans couture avec un talon bien formé!une dame qui en faisaient, a eu la patience de m'apprendre .
faut pas laisser perdre ces savoirs!
aujourd'hui , comme tous chés artraités , j'ai pas l'temps , mais d'main j'vas confirmer chés dire à dédée d'su chés cauchettes à 4 aiguils et dinseul morcieau ,
par conte j'voudros dire qu'chés cauchettes un 3 morcieaux j'navos jamais intindu parler
J'EXICHE DES DETALS, DES DETALS DES DETALS, j'vas essayer d'mi armette ach'tricot
ché vrai qu'ché cauchettes ou autes y z'etotent pas jetées pour un tiot tros , mais racommodées , avec d'el laine ed' même couleur , s'quyétot pas toudis possipe, ou alors des fos détricotées, d'su un tiot morcieau et artricotées
pour faire des cauchettes ou des gants à 4 aiguils ché em'mère qui prénot chés m'sures , et d’après s'mesuration al déchidot du nompe ed' points, et al les montot d'su in aiguil al faijot ch'premier tour pour mette ché 4 aiguils , pi mi j'prenos l'arlèf
alors d'su in paire ed' cms , chétot chés côtes "1 point à l'indrot 1 à l'invers" ou deux chétot pour qu'cha serre
et pi d'su l'derrière d'el cauchette , d'su deux ou trois points in faijot un point d'riz , ché à dire un point à l'indrot un point à l'invers , d'su tout longueur , comme chés bas d'femme yavot in line , apres yavot ch'talon ch'plus difficile et j'saros pu l'espliquer
et pi j'ai aussi fait, au tricot toudis (ché l'grosse surprisse) des CULOTTES pour mes soeurs , tout in coton, j'ai jamais vu ch'l'effet qu'cha pouvot faire , j'avoue qu'chétot moins bieau qu'ech'qu'in vot ach'teur, mais surtout plus grand, j'ai essayé d'faire in représentation (in photo jointe) , in verra
réponse à Maurice. bonjour, et bien quand ma grand-ère m'expliquait ça, j'étais gamine. En gros elle devait faire un genre "tube" arrivé au talon un trou (augmentations+diminutions) et faire un bout arrondi à coudre avec un fil facile à retrouver (pour défaire si besoin) sans que cela se voit, puis devait continuer jusqu'à la pointe en diminuant comme d'hab..
là à démonter faut retrouver le noeud c'est tout. J'espère avoir été assez clair , c'est un vieux souvenir, c'est peut être en 2 parties en somme.
Malheureusement je ne peux plus tricoter à cause de l'arthrose dans les doigts , mais là c'est un autre sujet . Si quelqu'un a d'autres renseignements sur les chaussettes??
bonne journée à tous
( 2 photos)