camuchés dins ché branques
par minloute le, 26/04/2012camuchés dins ché branques des muriers sauvaches qui poussotent au bout del pature ...............
que indrot magique que chéto pour nouzautes, yavo un endrot du qu in pouvo toudis vire si yavo des gins qui venotent del rue leverrier ..............
impossipe d' passer inaperçu, ché pour cha qu in l avo ker ch' t indro là
in n a fait des bétisses, l' pire à postériori, in avo jué avec l' revolver que quéqu un avo ram'né des ' mason et qui yavo piqué à sin père
j y a souvint arpinsé à cha ,pasque peu d' temps aprés sin père i s a suicidé avec ........
mais chéto surtout pour nouzautes, l' moyen d' finquer en cachette
yavo toudis quéqu un qui avo réussi à piquer un fond d' paquet , ou quequ' zeunes artirées discrét'mint d un paquet à mitan plein ..............
in n a finqué des cigarettes là bo, et souvint comme in éto plus d' chinq, in finquo pas toudis l' meme sorte, ché d ailleurs rigolo avec du r'cul, chti qui finquo eune cigarette à bout doré , bin y éto considéré comme eune garnoule ...
nan nan, ché vraies cigarettes , chéto celles au tabac brun comme l' gauloisse sans filtre
bin l' gauloisse sans filtre pour nos tchiots poumons d' l' époque , chéto djà costaud, d' ailleurs i n avo toudis un qui s énoquo
oh i dijo tout d' suite l' temps qui artrouffe s' respiration in crachant un coup à terre, que ché nin l' cigarette qui l avo énoqué, mais qui éto en train d' rigoler en meme temps qui finquo ...........
in prenno des zairs d' grands seigneurs, d' matchos, d' Homme in définitiffe ....
mais in savo que d arriver au bout del cigarette chéto in tout cas au début eune vraie épreuffe, et qui n auro pas fallu qu in s amusse à in arfinquer eune seconte
chéto arrivé à min camarate qui habito rue d' paris et qui éto v'nu avec nouzautes, i avo ram'né un paquet entier, tout cha j' su sur pour s' faire accepter par not' groupe , et y a voulu juer "au grand"
mon diu ,quand qui a voulu arpartir as' mason, d un seul coup i parlo plus, et in l a vu d'venir tout blanc ....
i s a arrété d un coup, s' tiete a li tourno, y s a pinché en avant et is' forcho à dégueuler
in s a bin foutu des' guiffe, mais bon nous in avo quand meme un tchiot peu mal à la tete aussi ; mais cha , in oso pas l' dire ...
bin mi m'première cigarette cha a été un cigare , après min certf avant d'aller al fosse mes parints y mon invoyés six mos din in since , un tiot patelin , au d'seur ed' Poitiers tout prés d' VIVONNE , ch'patelin cha s'appelot "l'peu de té"
( j'su pas sur ed' l'ortographe )
ech'sincier yavot pas grammint ed' terre , mais y cultivot un tiot peu ed'toubac, et in fos avec min copain in a roulé in feule ed'toubac, pour l'allumer in avot un viux briquet à essence " j'sais pu du qui venot "
et pour el querquer d'essence in l'saquot d'in JEEP qui servot ed' tracteur , et d'su ché JEEP yavot un tiot robinet in laiton , comme in invot cor ach'teur, d'su s'anciens chauffache central , comme purche
bin in a saqué deux coups pas d'plus , mais j'ai bin été malate
j'ai oublié ed' dire , qu'un client d'min bistrot y ma fait gouter à l'insu d'min plein gré , j'pinse qu'ché du HAQUIKE , j'avos min paquet d'bleu d'su ch'comptoir et comme cha arrivot des fos y s'roulot in cigarette , ya sorti "in barette" comme y ma dit, ya coupé un tiot morcieau pi y la éparpillé din l'feul à cigarette , et mi tout innochint qu'j'etos cor "chétot din chés années 1990 , j'avos seulemint in bonne cinquantaine"bin j'ai fumé cha , tout s'qu'ech'm'rappelle ché qu'j'ai été mal foutu tout l’après midi, y sa bin foutu d'em'gueule el lendemain , mais j'ai jamais pu arcomminché