Les jardinsla mote des caveux long
par nounours-94 le, 06/05/2012chéto dins les années 70.
nos autes les garchons in voulot imiter les Beatles donc laisser pousser avec l'autorisation d'nou parints nos caveux.
in éto "bieau" caveux jusqu'au épaules, jeans avec des écussons d' l'armée qu'in acato ale mercerie ou ale tirette ale ducasse et l'chaîne avec l' médale peace and love.
si j'in parle cha parce que j'étot influqué comme mes camarates. in arsonnot à des hippies avec les P4 dins nous bouques.
j'ai du faire coper m'tignasse in 79 pour cosse d'service militaire.
quand j'ai eu la quille j'en les ai jamais fait arpousser.
chéto pus la mote, j'étos pus un adolescent, j'étos devenu un "homme" sérieux, enfin presque!!!!
Hé ouai cha rappel des souvnirs.
Y'a eu aussi la mote des lunettes avec chez verres qui fajotent "miroirs". Ché vénu d'ech canteux Gilbert Montagné qui avot ché sacrés lunettes et in plus des caveux longs.
Y'avot aussi ech bracelet d'montre "James-Bond", un bracelet in fer avec des trous. J'navos aquaté un ach marché d'la gare.
et pis avec ché caveux longs , y'avot la mote d'ech' fameux ciré noir ..
