ché bottines d' Mr Duriez
par minloute le, 06/05/2012quand que j' vo des bottines comme cha , cham' rappelle plein d' souv'nirs
les bottines comme cha, avec eune fermeture éclair au miyeu, chéto l' godasse qu in voyo beaucoup à la fin des années 60 et début des années 70
d' abord ch' modèle in bas à gauche, ch' modèle l' plus simpe qu in voyo porté par tous ché gins qui roulotent à mobylette .....
savez , casque d' mobylette demi oeuf, avec l' sangle en cuir qui passo d' chaque coté, cigarette au bec...et bottines aux pieds
pas très pratiques ché godasses là, ouais, mais quand que Mr Duriez i v'no dins nos zécoles affublé comme cha, im' surpreno toudis
Mr Duriez chéto quéqu un d' très agé , que m' mère , née en 1920, ale avo djà eu comme professeur d' gymnastique, ch'est pour vous dire ...
j' me souviens d' li qui arrivo in mobylette dans l' cour d' l école loubet
i garo s' n engin such' mur, i artiro sin casque, et aprés avoir discuté avec ch' directeur, in allo avec li répéter le spectaque d' la fete des zécoles, les landies, dans eune grante pieche du qu in avo artiré ché pupitres et ché cayelles......
i rintro dins l' pieche i artiro sin mantiau
j' l' observo , i éto sec , tout ridé, mais d eune souplesse vraimint étonnante as' n ache
i s' metto d'vant un tapis d' sol et pour nous surprinte i faijo eune roulate juste à coté, pasque y avo gardé à ses pieds, ses bottines
et j' peux vous dire que cha produiso sin effet ........
sul' photo in vo su la droite eune aut' paire d' bottines, que j a eu l honneur d' porter ..
savez ch' modele fourré , avec fourrure à l intérieur ET A L EXTERIEUR ...
j avo min camarate d' la rue d' chatel'raut qui in porto eune paire, et pour mi chéto l' top du top ....
et j éto tout fier quand qu in avo été avec m' mère en acater eune paire à mon Cendrillon , magasin situé rue Henri Cadot ..............
faut pas s' moquer d' cha, j' su sur qui a des loques qu in met asteure que dans 40 ans cha paraitra tout aussi "ringard"..
Ch'père Duriez Mi j'lai eu din les années 54 à 58 quand j'éto à l'école Carnot pi à Pasteur. In l'appelo ch'père Duriez.
i faizo toutes ché écoles pour nous apprintte ché landis et ché vrai que quand on éto réunis sur le terrain d'honneur du Stade parc chéto vraimint bio. In devo ette au moins 2000 élèves.
Je m'rappelle que comme grammin d'gosses in éto "mauvais". Ch'père Duriez i a vo une espèce de scoliose et i éto un peu vouté, et cha nous faiso drôle quand i nous faiso mette au garde à vous in début de séance in nous disant; "tenez vous droit". Evidemment, les sales gosses qu'in éto, in l'imito à longueur d'année in en rajoutant inne louche comme si on éto bochu.
Et cependant, chéto un homme dévoué et aimé de tout l'monde.
Pour continuer sur ch'magasin Cendrillon du qu'Minloute i acato ses botillons, j'vous armets une photo d'un d' mes buvards publicitaires sur ech magasin Cendrillon du qu'in m'acato mes brod'quins.
Mi ché toudis connu ch'magasin rue Cadot, mais sur ech buvard ché marqué rue Salengro??? Erreur??? ou bien ech magasin i éto din l'rue Salengro bien des années avant.
cha m'rappelle in paire ed' bottes qu'in appellot des " schnou boute " si j'em rappelle bin chétot tout caoutchouc,et yavot in différence din l'fermeture , yavot un crochet d'chaque coté , et grosso modo cha fermot comme un bocal ed' cornichons par exempe, a part qu'a l'intérieur chétot mi et pas un cornichon,
chetot grammint plus silencieux qu'ché godasses in bos avec des daches
( 2 photos)