un peu rasoir sujet 2

pour ché rasoirs de sureté, ché ceux dont parlo Maurice au sujet précédent, mi j a l' souvenir du rasoir d' min père

chéto pas un rasoir récent oh la la nan, am' mote que cha devo et' un modèle qui devo avoir plus d eune cinquantaine d années

ch' rasoir i éto dans eune boite metallique rectangulaire, chaque jur min paire i devo l armonter, visser sul' tige le support d'lame , pi la lame , ensuite i veno poser d' sur l' protection haute du rasoir, et i visso l ensempe


au fil des zannées, min père i avo rafistolé l' pas d' vissage en incrinquant un bout d' fil de fer

chéto pas la peine d essayer d' li dire qu in auro pu li acater un aut' rasoir, ah malheureux ...

min père i éto del viele école, du ginre " cha peut cor servir" , doublé d un "pourquoi canger quand que cha marche cor" ...

y avo simplemint accepter d' rimplacher l' bol pour ch' savon à barpe, par del crème à raser in tupe de marque williams, qui metto eune tchiote dose d' chaque coté d' sin visache

après i preno sin blaireau, aux poils devenu d' plus en plus rares, mais connaissez djà l' rengaine " cha peut cor servir" , pi is' badigeonno l' visache

après i preno sin rasoir, sin miroir, pi commincho l' rasache propremint dit, avec l' momint que j' préféro , ché quand qui metto s' bouque en cul d' poule, quand qui voulo raser ché poils d' moustache

eune fo qui avo tout bin rasé, qui avo arpassé ch' gant d' toilette, ouais quand qui metto del mousse à raser cha pouvo aller jusqu à ché zorelles ...

là i prenno s' lotion aqua velva, savez l 'tchiote boutele avec ch' liquite bleu d' dins, i s in arpergeo l' visache, quite après à avoir l' pio toute rouche ...


de ch' t époque là, et ché vrai qu in copie toudis un tchiot peu nos parints, j a gardé l' gout du rasache à la main , meme si à mon tour l' crème à raser en tupe a été remplachée par l' bombe d' mousse à raser ..

les rasoirs électriques cha fera l objet d un troisieme sujet

ché bin chés rasoirs la , avec ech'blaireau qui v'not d'min père , à la fin yavot autant d'poils d'su ch'savon à barpe qu'din ch'lavabo, qu'su ch'blaireau, j'ai du finir par min debarasser , comme tin père et min père j'ténos et j'tiends cor a mes viels affaires
par conte em'moustache j'l'ai rasée qu'in fos ya pu ed'trente ans d'cha, j'ai jamais pu arcomminché
comme in dit toudis un homme sans moustaches , ché comme in soupe sans sel , pi un plus in arot dit un cul d'poule

Ch'savon à barbe y'étot din des boites rondes in plastique. j'mé rappelle qu'in prénot ché boites vides à l'école maternelle pour mette el pate à modeler ou ché bon points. Chéto du savon à barbe Williams.
L'aqua-velva cha existe toudis, ché s'que j'met sur em guinioufe comme après rasache. Cha sint bon mais cha m'rappelle des souvn'irs notammint pindint min service militaire. J'nai vu in boire suite à un pari.. Fallot vraimint avoir in'touqette pour faire cha.