sac à puches

"sac à puches" chéto quéqu un qui v'no al' mason pour vire min père pour ch' syndicat

à croire qui éto toudis monté sur arsorts, i yavo toudis eune partie d' sin corps qui éto in mouv'mint

alors y a des coups quand qui yavo fini d' discuter avec min père , et qui parto assez vite, ouais comme dijo min père , li i allo dro au but, i s atardo pas, comme chi s' journée ale éto toudis comptée

donc y a des coups min père i li proposo d' boire un apéritif, l' aute i arfuso d abord, pi après i s' laisso faire, et cor un seul verre qui buvo

mi j' devo avoir eune dizaine d années, et j avo ker raviser "sac à puches", sous l' tape té voyo sin pied qui s armuo à eune vitesse, voyez comme si i appuyo comme un damné sul' bequile d eune mobylette

mais au d' sus d' la tape yavo aussi d' autes signes d' impatiences qui éto visipes, i laisso les dogts des ' main juer eune partition effrénée d' piano sul' toile cirée ...

i s attardo pas, i entamo à peine l' conversation, i resto l' temps qui fallo pour pas paraite impoli, et chinq mineutes aprés i prenno congé

j allo l' vire à travers ch' rideau del farniete, cha y est i avo djà armis sin casque, et i commincho à pédaler comme un dératé

eune fos l' finquée qu ale sorto del mobylette, i appuyo sin corps sur l avant, cha faijo basculer l' machine en avant, et arplier l' béquille et i éto djà arrivé ach' stop

à et' trop pressé , so qui avo del prémonition ou alors i avo pas été assez prudent, mais y est décédé pas longtimps aprés d un asquident sul' route

té sur qu'ech'gars yavot pas l'parkison
nous chétot surtout après nos kiens qu'in n'd'avot, bin souvint y s'gratottent ou y mordotent le croupe avec bin sur le dints mais surtout y allotent ed' bon coeur , quand y tournottent pas d'su plache pour attraper le queue, mais la y parait qu'ché passequ'y s'avotent des viers