Les jardinsl'armée et le grand départ (1)
par maurice devos le, 30/05/2012j'avos oublié , j'ai cor eu 15 jours ed' taule, passeque j'em promenos dins Lille au bras d'in jone file, et bin sur j'avos pas vu ech'l'adjudant, li y ma vu et pas loupé, mais chés 15 jours la j'sais fait au gret 802 , et in avot un lit din ch'poste ed' garte juste à droite in rintrant din l'caserne
et pi un jour ed'novempe 1959 in nous à imméné al'gare ed'Lille, MIS din ch'train , ché tout jusse si in nous a pas porté, pour pas qu'in sauf, direction Marsel
j'ai oublié grammint d'ech'voyache la, in avot suremint cor l'esprit imbrumé d'el soirée d'el vel , in a resté bin deux jours din ch'camp ed' transit à Marsel , la cha m'a fait arpinser à chés camps ed' transit in ingleterre, pindint l'guerre 1939, avec in nompe impressionnant ed'trouffions chétot plein à craquer
imbarqué el'12/11/1959 d'su l'ville d'oran et dirigé , sur SLISSEN ( 21em R I ), à inviron 200kms au sud d'Oran, et in trentaine ed'kms d'el frontière marocaine, et pas comme ché dit d'su min livret militaire directemint au 8eme zouaf, j'ai été muté 1 mos plus tard, ché un vérifiant chés dates d'imbarquemint qu'ech'vos l'erreur
el traversée , cha ché un souvenir impérissape,rien qu'dy pinser j'arai invie ed'dég,,,,,, alors ch'finirai d'main, d'ichi la j's'rai armis in plache
