martini
par maurice devos le, 30/06/2012ché un drole ed' titre pour parler d'em'mère mais comme cha m'arvient à chaque fos qu'ech'parle d'em mère à mes tiots infants j'peux pas faire autremint qu'd'in parler
in 1948 em'mère al a perdu es'soeur jumelle et cha a été in sacré douleur pour elle, pour nous aussi bin sur mais ché pas parel in plus in étot jones
et suremint in arvénant d'in visite au cimetière un tiot peu plus tard , em'n'onc Louis ya voulu aller boire un verre ach'bitrot tabac derrière ch'l'églisse du 12 , chétot d'su l'route pour arvénir , et la pourquoi em'mère al a voulue boire un martini ???????
bin al'n'da bue qu'in tiote gorgée cha a suffit pour el rinte malate , ché vrai qu'al étot fort migraineusse , mi j'etos la et j'n'ai des vagues souvenirs, c'qui est sur ché qu'pu jamais al armis in goutte d'alcool as'bouque , rin qu'à sintir cha l'dégoutot même din in gatieau
alors chaque fos qu'al vénot al mason d'un d'nous z'autes , et chétot souvint "in étot 8" bin al avot sin gatieau à part si din chés z'autes gatieaux yavot du rhum par exemple , chetot nous mère et comme toutes chés MAMANS in l'soignot bin