le cap gris nez
par minloute le, 10/07/2012j' nous arvois partir en expédition du coté du cap gris nez
Djà que quand qu on éto en vagances à merlimont in sorto pas grinmint en carette
in marcho beaucoup, in allo jusqu à stella plage aller retour, ou quand qu in éto très courageux in allo du coté d' berck
in prenno l' carette pour aller visiter , quand qui faijo pas bio, le tour des remparts de montreuil
quequ' fo avec mon mononque , in allo dins n' ariane, du coté du touquet et d étaples
là i allo acater du pichon quand que ché batiaux i zarvénotent d' la pèque
i in prenno pour nouzautes mais i connaisso l' rituel, chéto à li à vider ché pichons, pasque autant les cuisiner cha géno pas m'mère , autant les vider, chéto au d' sus d' ses forches
vlà ichi dressé l' périmete d' nos vagances, berck, le touquet , montreuil
rigolez pas, chéto djà pour nous , infants, des belles sorties, pi quo d' plus fier que d' rintrer aprés au chalet de merlimont ...
mais cha arrivo eune fos durant l'séjour, d' partir à 2 carettes, mon mononque avec s' n ariane, min père avec sin break 403 peugeot gris et là in parto toudis dans l'meme circuit
escusez me mais là j' va minger ....du pichon, j arviens taleure