le cap gris nez suite
par minloute le, 10/07/2012cha y est, ché mingé, pour chez curieux, chéto du flétan avec des pétotes , mon diu que ché bon du flétan, pratiqu'mint pas d aretes, et ché aussi bon que du carrelet ou del sole
mais arvénons à not' péripe vers le cap gris nez
d' ailleurs si in allo au cap gris nez ché que l' temps i éto couvert, bon normal'mint pas d' pleuffe in vue, quo que, dins des régions maritimes comme cha in peut et' sur de rien
ouais chéto l' type d' sortie "quaouais" , voyez , mais i servo au départ de coupe vent, mais pouvo servir bin sur d imperméape, imperméape avec tous les inconvenients des imperméapes, j' va pas m étinde ichi vu que dany boon i l a tel' ment bin fait
d' abord in sorto d' merlimont , in passo d'vant ch' viu chateau d io qui yavo sul' route qui meno à garden plage
am' mote qui a du et' abattu d'puis un momint chtilale
après garden plage in arrivo à stella plage, d' là in allo vers étaples, étaples et sin pont qu in metto quequ' fos du temps pour l' franchir
d' là in longeo la canche vers son estuaire, pi in s artrouvo presque au miyeu d' dunes couvertes d oyats, mais in avo pu d' vues sur la mer
d' là in passo camiers pi dasnes, du qui yavo j' cro eune usine j' sais pu si chéto du chimint , en tout cas yavo comme eune pellicule blanque qu ale s éto déposée uniformémint sur ché toitures des masons
d' là in passo du coté d hardelot, mais hardelot cha avo pas bonne réputation pour mi, mi infant, vu qu' min père i avo dit que hardelot chéto eune estation qui voulo faire comme le touquet, eune estation estivale "proute proute" savez, du ginre qu in trouv'ro pas eune barraque à frittes à coté d' l' esplanate d' la plache ...
d' là in passo pont de briques, que j' cacho toudis du qui yéto , pi saint léonard, du qu' à chaque coup mes parints i s' rappelotent des souvenirs vu que ch est là qui zavotent mis mes soeurs in colonie d' vagances
à in arvoir ardiscuter avec mes soeurs, ché mes parints qui avotent un meilleu souv'nir d' l' indrot que elles ...
cha y est in traverso boulogne, in voyo ché gros batiaux dins l' port, ou meme avant in avo été faire un tour j' cro bin que chéto au portel, du qu in passo d' vant des eusines du qui transformotent l' pichon péqué, et que cha sinto fort in passant d'vant
aprés in passo d' vant la colonne d' la grante armée, in s y éto arrété un coup meme, et chéto pour mi eune énigme d' vire ch' napoléon tout in haut des' colonne, à raviser du coté inglais
et j' savo qui avo , mi infant, pasque j' éto fort in histoire à l école, que napoléon, i avo pas envahi l angleterre, qui éto mort à saint hélene, que son fils léon , i li avo crevé l' bidon, et qu in l avo artrouvé sur l'dos d' eune baleine in train d' minger les fils d' son cal'çon...
cha chéto l' version que canton mon mononque André, et qui m' faijo toudis rire ...
la suite , bin faudra attinte demain, in n a pu que pour quequ' kilometes d ailleurs .......