destination nord pas de calais

quand que j a armonté à bruay début juillet, j a récupéré ch'te belle brochure sul' tape d' l hotel

eune belle présentation du nord pas de calais, d' belles photos, eune mise en page réussie, des feules en papier glacé, bref du luxe .....

j a feuilleté vite fait ch' livret, j' l a arfeuilleté, pi cor un coup, pi là j m a dit j' va raviser page par page pasque j a un mauvais sentimint

ou plutot j' devro dire un sentimint d' déjà vu ...

j a du m' rinte à l évidence, si dans la forme cha a évolué, autant dans le fond rin n a cangé


ah ché sur trouverez comme depuis trinte ans dins ché memes brochures, les memes indrots mis en valeur

le site des caps, les 7 vallées, le touquet , autour d' boulone, autour de valenciennes , en avénois, autour d' st omer, autour d' montreuil ou de lille, cha ché des valeurs sures

ch' est vrai qui a un artique sur le louvre lens, et ch est tant mieux, par conte meme si y a bin des "nouvelles" destinations comme autour de lens, les collines de l artois avec vimy et ablain st nazaire, pour mi in a cor tronqué tout ch' bassin minier

j' sais bin que ch' bassin minier en terme d ' tourisme y a cor des progrès à faire, quo que y a d' quo s attarder rin que sur l' musée de lewarde, ou certains terrils qu in peut monter in haut ...

et cor vous m' direz, in in parle ch'est vrai, au détour d eune photo ou d un tchiot texte mais ch'bassin minier in tout cas s' n 'imache ale est pas misse en valeur, in in parle presque pas d ailleurs

à croire que l imache des terrils et des corons cha pourro cor arbuter ché touristes qui hésiterotent à v'nir par ichi ...

faites ch' calcul , ravisez l' nompe d ' photos qui a des corons et des terrils dins ch' livret, bin zarriverez à moins d' chinq et cor j' su large ........

ch'est sur que d invoyer à brule pourpoint dins ché corons des touristes i trouverotent cha , escusez me, i trouverotent cha pas interessant ou au pire pas bio

mais voyez, tronquer l imache d eune partie d' la région, pour mi ché pas honnete ..................

rin qu eune meilleure mise en valeur de musées d' la mine, cha s'ro que l' minimum, pasque meme si "ch est pas bio" pour certains, ché aussi notre patrimoine

ché sur qu'ya cor un sacré boulot ed' publicité à faire pour ardorer nos corons et nos terrils , ach'teur si chés gins sont attirés par ichi , cha s'ra pour ech' Louf ed' Lens
et aussi nouvieau din l'région , "ch'planetarium" d'Helfaut , inciennemint "l'coupole" ouverte ed' pu juillet 2012 , ché bin si cha donne du boulot à chés jones , in espérant quand même qu'cha fra connaite nos corons