la poste
par minloute le, 21/08/2012mon diu mes gins, yavo 4 phrasses qui faijotent lever les ziux au ciel am' mère ....
chéto quand que min père i dijo
"j'fais un saut al' permanence syndicale" , pasque ch' saut propremint dit i pouvo durer longtimps, eune fos qui rintro à la permanence , chéto difficile d' savoir quand qui allo in sortir
aut' phrasse
"bon Odette, j y va ach' dispensaire" , j' vous raconte pas la suite , ché déjà fait dans plusieurs artiques sul' site
aut' phrasse cor
"j va aller ale phramassie mutualiste vers chinq heures , devro avoir moins d' monte"
et l' derniere chéto , et ché l' sujet d aujourd hui " t as b'soin d' timpes ?"
pasque aller à la poste chéto eune aventure, d abord imaginez queques zannées in arriere , j' peux dire queques decénnies, ché gins i zavotent soit un livret d' caisse d epargne soit un compte avec un livret al' poste
d' ailleurs in dijo la poste pour désigner ch' batimint et l institution, mais in parlo aussi des peuteuteu, quand qu in parlo des facteurs et d' ché quatr'ailes jaunes
la poste t y allo pas comme asteure que pour faire peser tes colis , printe des timpes pi mette ou artirer des sous su tin compte, t y allo aussi pour téléphoner, j' va y arvenir un peu plus tard
allez on va rintrer dans la poste d' bruay, mais avec mes ziux et mes souv'nirs d infants, ché un peu imbreumé, non pas que ché cor eune vague d' caleur mais que voulez vous, meme si j' su cor assez jeune, les souvenirs cha comminche à dater .........................