intindu au bas del rue d' montataire
par minloute le, 22/08/2012arrivé in bas del rue d' montataire j a tourné à gauche pour passer d' vant la rue d' pont à vendin et aller aprinte la rue du qui a ch' magasin Dya pour arjointe l ancien pont du 2
in passant j a bin vu eune dame qu ale nettoyo d'vant s' majon, ch' ramon y éto appuyé conte ech' mur, et ale coupo les branques qui dépassotent du parterre et qui arrivotent such' trottoir
mi j' passe et tout d' suite aprés j' croisse eune dame qui armonte avec sin cabas d à mon Dya et j' l intinds interpeller l' dame qu ale nettoye
j a pas tout artenu, ché ptete pas mot pour mot de c' qui a été dit, mais l' fond ché cha, pi cha m a bin fait sourire interieur'mint ...
-"mais quo ché qu' vous faites ?"
-"j'travale pour la mairie asteure, j' coupe ché branques qui dépassent"
- "mais ch est pas à vous del faire"
-"m in parlez pas, j a appelé l' mairie pour leur dire qui yavo des branques à couper , i m ont répondu qui ferotent pas cha tout d' suite"
-"si ch est pas honteux d intinte cha"
-"ah savez ché plus facile pour eux d' planter des panneaux pour dire qui veultent sauv'garder la nature, que d' venir ichi nettoyer ché zabords"
(mi j' m éto arrété un peu plus loin , à coté dech' panneau et j' raviso ch' terrain pour mi laissé en friche entre ché 2 rues)
-"pi ch est pas eux qui vivent ichi savez, d' dins y a toutes sortes d' bestioles mi j' su sur qui a des rats "
ale continue
"pi ravisez ché packs d' biere in bordure, trouvez cha bio?"
cha m a fait plaiji d ' rintinte eune conversation in patois, savez mi dinch' sute ché loin d' ete tous les jurs que j intinds not' accent .................
al'reflexion el' dame ale a raison, ch' est vrai que j a été étonné d' vire que la mairie ale laisse asteure des espaces j allo dire moins entretenus et in plus volontair'mint
quand que j' dis "moins entretenus", ché quand meme pas cor la jungle, mais ché sur que pour mi cha fait un peu plus négligé
faut dire aussi que j' su d eune génération, vot' génération du qu in a connu des gardins d'mineurs tenus d eune façon impéccape
chti qui metto du gazon à la plache des routes d' porions ou d' pétotes y éto vite catalogué comme fate ......
in va pas canger à nos zaches .....
J'ne comprinds pas cha qui arrive à ché l'femme là : mi j'reste sur un secteur du qui passe l'jury concours-ville fleurie et ché brankes i sont toudis coupées en temps et in heure.
D'ailleurs, ché "jardiniers" i taillent même ché camélias comme si chéto des haies, et forcément je n'les ai jamais vu fleurir; J'leur ai expliqué mais i m'ont ravisé avec un oeil qui ne recevo pas l'messache....
Par contre, i a 3 ans j'avos réussi à faire déplacer l'adjoint à l'environnement, l'chef des travaux et le staff pour leur montrer tout cha que j'veyo à la Lawe Bout d'Amont.
J'leur avos fait vire qu'il existot un système obsolète de vannes à ch'pont du bout d'Amont, et qu'il auro été utile de l'réparer.
Tout arrive : depuis lundi dernier ché en cours. En cas de forte pluies i suffira seulement de fermer les vannes et l'étang du n°5 i servira de bassin de rétention... et cha devro éviter pas mal de débordements en aval.
( 2 photos)