rue de pont à vendin
par minloute le, 23/08/2012chéto l' rue qu' min père i dijo qui avo toudis du mau à y aller , faut dire que comme i faijo du syndicat , i porto des convocations ou des papiers à diverses personnes qu ale zhabitotent bruay et que chéto toudis l' rue qui li rappelo de bins mauvais souvenirs
ses parints habitotent là à partir de septempe 1922 au numéro 27
sin père qui éto arvénu "bin arringé" d' la guerre (i avo perdu in eule, subi plus d' 10 opérations), sin père qui éto cor bin jeune , i éto né en 1890, i pouvo pu déchinte au fond
trop dur asteure, impossipe pour li d' ardevenir mineur piqueur, sin frère qui avo l' bras long , in tout cas y éto pas loin des sphères dirigeantes, i éto chauffeur d ingénieur aux mines, i li avo trouvé un poste d' ajusteur sur métaux aux ateliers
min père , qui avo 11 ans ach' momint là, i s' souveno qu' sin père éto souvint fort mate
hiver 1923 sin père i do s arreter , i avo del tuberculosse , et y a pas passé ch' printemps suivant
min père , qui pourtant m a raconté pas mal d' chosses sur sin passé, j ' l arcello tel'mint d' questions, y a jamais pu m' réponte à eune question
i m avo dit qu' sin père i l avo fait v'nir la vele des ' mort, y éto allongé dins sin lit et "i li avo donné ses instructions" ..
y a jamais pu m' les dire, tel'mint cha li faijo armonter beaucoup d émotions
au décés d' sin père , la malchance ale éto au rendez vous, min père qui veno d avoir sin certificat d étutes, i a du arréter d' travailler aux ateliers des mines, vu qui a du partir s' faire soigner pour sin g'nou à berck, i est parti eune année
ch' père décédé, l' fils qui travaillo aux mines parti à berck, s' mère ale a du quitter rapid'mint le log'mint d' la rue de pont a vendin vu qu elle , ale travaillo pas pour ché mines
ale a du partir habiter ché s'soeur rue de béthisy
mais arvenons à asteure, d'puis queques zannées, la rue de pont à vendin ale a cangé, y a eu ché rénovations pi surtout ché pu asteure un cul d' sac, la preuffe la photo que j a pris d in bas del rue
pour convainque ché derniers qui aurotent cor des doutes sur "eune bonne guerre" , on intind cha par momints
j' vous a mis deux photos d' min grand père, chti qu in vo sul' page de garde in bas, in photo avec sin frère louis
l' premiere photo ché juste avant la guerre, l' seconde ché juste aprés
y a décédé i avo 33 ans
( 3 photos)