ch 'est l' jour
par minloute le, 04/09/2012ch' est l' jour du qu on intind
"y éto temps i savotent pu quo faire"
"pi 2 mos ch est long"
"ah pour nouzautes ché l'début des vacances "
ouais facile à dire , cha chéto ché manmans qui discutotent l' premier jur d' la rentrée d'vant ch' portal d' l école
nous in éto "pétris" d' bonnes intentions, ou tout du moins in avo archu un lavache d' cerveau en règle depuis eune semaine
cha avo meme comminché avec les cahiers d' vagances , mais là in savo que cha allo et' "du sérieux"
in éto contint aussi d arvire certains camarates qui habitotent à l aute bout du quartier, mais in avo aussi la gorche nouée ...
in faijo des sourires d' circonstance, pîre in faijo semblant d' ete enthousiaste quand qui yavo eune dame ou eune voisine qu ale dijo à not' passache " alors té contint d y artourner à l école"
mon diu ,cor queques mineutes, mais à la limite faudro qu in rente tout d' suite, in voudro bin juer avec nos camarates, mais faut pas abimer not' belle rhabillure, faut printe soin d' sin cartape
cha y est , in archoit les dernieres instructions, in archoit aussi un dernier baiser, in do s'faufiler entre ché manmans pour acceder à l' tchiote porte, et là , not' manman ale nous lache in nous poussant un tchiot peu, tout juste d' quo nous artrouver dins l' cour d'récré
cha y est ché parti pour eune année .........