ch'est l' jour suite

cha y est y a un maite qui comminche à siffler...

nan, fausse alerte, ché pas cor l' momint du qu in do cor s' rassembler

ché simplemint un qui comminche bien s' n année comme i li dit ch' maite, ché vagances cha t a pas cangé à c' que j' vo

l' aute i arpart tout penaud, chassez l 'naturel .....

in comminche à s argrouper entre anciens camarates del classe d' l année derniere, in accueille bruyammint l arrivée d un qui éto en r'tard

cha y est ché du sérieux, ché maites qui étotent réunis tous ensempe en cerque avec ch' directeur, i comminchent à aller vers l' grante porte vitrée du batimint, i n a un d inter eux qui va arfreumer l' portail

un grand coup d' sifflet et in est prié d'es'rassembler d'vant ché maites

faut essayer d' rester calme , d' pas trop babeller pasque ch' directeur i répéte pas 2 coups un nom et si t as oublié ou qu' t as pas intindu, té pouvo et' sur d' commincher l année par eune punition ....

d' abord chéto ché tchiotes classes, cha parto chez mr wacheux, mr petiot ou mr mayeux

pi aprés chéto l' tour del classe à monsieur robitaillé , cor eune classe et cha allo et' not' tour

d' puis eune paire d' temps j avo l stomaque noué, faut dire qu in avo "eune chance" sur deux, d' s artrouver dans l' classe dech' directeur

j' va pas m éterniser sur li, j' in a djà parlé inter ché lignes à plusieurs reprisses, chéto pas min camarate loin de là

ouf, j ' qué pas avec li, djà eune premiere bonne nouvelle pour commincher

à nous asteure d' monter en rang, ch' maite , un nouviau, y éto sévére , faut dire que chéto s' première année

on monte à l étage, sans faire trop d' bruits, en claquant pas nos bottines d' sur l escayer qui devo avoir vu plus d ' 6 decennies d éleffes ....

in allo s installer un peu comme on voulo, enfin cha voulo dire que ché forts en bras i s' précipitotent pour occuper ché plaches du fond, ch'est c'qui attindo ch' maite pour les faire armette sul' devant

in les voyo saquer leur nez ....

commincho alors j' diro eune matinée d' reprisse, in devo remplir eune fiche avec sin nom, pi in commincho par eune leçon d' morale, qui nous intraino à la premiere récréation

premiere recréation du qu in échingeo nos avis d' classe en classe , alors ch' maite untel ? cha va pour l instant qu in dijo ...

in jue cor calmemint dans la cour d' récré , faut dire qu in a cor tous en tiete ché recommandations , et cha in y avo eu dro à eune paire d' coups, sur "salis pas tin mantiau, perd pas tin cache col, mets pas des godasses neuffes dins l io"

bref , c' qu in intindo chaque année qu in éto en école primaire ..............

à part in paire ed'tiot souvenirs comme chés tapes ech'feu a carbon, ch'tableau, el cour ed'récré à l'école du 11 , el cloche qui fallot sonner
yavot aussi ch'gardin qu'in cultivot quand in étot in 1ere et n'din yavot un cognassier cha ma resté marqué "pas ch'nom cha ché chés mots croisés" mais ch'gout affreux qui ma resté , et d'autes détals comme cha , à par cha j'ai pu d'souvenirs ed' rintrée

Souvenirs quand tu nous tiens..
cha ess' passo in 1948, j'éto in primaire, un an avant el certificait d'étude, 1er octobre ach' temps là , rintrée des classes..
j'arriff' artard, disons 30 secondes, el Directeur ach'momint là i m'attrap' et m'appelle....
M. Quillot, un terrip' i véno d'Haillicourt. tu me fera 25 temps conjugués "Je ne dois pas arriver en retard en restant à 25m de l'école"

ouais mé gins, ej' resto din el rue ed Béthune, in face ed l'école Jules Ferry, mais comme in éto en' grand' famill' em' mère al avo pas vu que j'éto pas cor parti... biensur enguelade... ech' fait pas em' punition... ienvo un billet à mes parints, convocation, em' mère al' y va.... réenguelade.... double de la punition... aussitot diné, ej' devo aller dinl' bureau du Dirlo, et faire em' punition.. Aussi mes gins, nem' parlé pas ed conjugaison... ess' su imbatable.....