chéto l ' temps du ...
par minloute le, 05/09/2012chéto l' temps du qui yavo pas d internet, que l' radio ale commincho à moins troner dins l' pieche principale, que tout douch'mint l' poste d' télé i deveno incontournape
chéto l 'temps qui yavo bin moins d' chaines qu asteure al' télé, personnel'mint j a connu 2 pi 3 chaines
chéto l' temps des speakrines qui nous dijotent l' programme d' chaque chaine ....
chéto l' temps du qui yavo moins d'chaines donc moins d'programmes différents et que l' lend'main ou l' surlend'main, certains soirs qu in avo l' dro d'raviser la télé comme l' samedi ou l' mercredi ....
souvenirs bin sur des dossiers de l écran, mais aussi d' pleins d'feuiletons qui passotent al' télé le samedi soir
j a in tiete 2 feuilletons intre autes, chéto Thibaut ou les croisades, pi bin sur les chevaliers du ciel
in connaisso tous l' musique et les paroles del canchon du générique cantée par johnny halliday ...
"les chevaliers du ciel, dans un bruit de tonnere, à 2 pas du soleil" etc etc ...
l'lundi matin in s' preno pour Tanguy l' vedette principale, et surtout pas pour Laverdure sin collègue
autant Tanguy chéto le héros l' pilote d avion de chasse , bio gosse, qui arrivo toudis à la fin d' chaque épisote à réussir s' mission à bord d' sin avion à réaction francais , cocorico, sans parler toutes les conquetes féminines...
autant in voulo pas s' incarner dans l' pio d' Laverdure, sin camarate gaffeur, bébéte , gentil ché sur, mais un peu babache , in tout cas ché l imache qui donno , avec sin air benet et ses grantes oreles décollées ...
autant jacques santy, chti qui juo michel tanguy cha fait djà un momint qui a arjoint l' ciel, chéto en 1988....
autant ché aujourd hui que christian marin, chti qui juo ernesse laverdure, in l avo vu aussi dans les gendarmes avec de funes, ché aujourd hui que li aussi i nous za quitté