el dechinte et l'armonte
par maurice devos le, 15/09/2012j'viens ed'discuter avec em'tiote file " juju " comme in l'appelle , 12 ans bétot, et in a vénus à parler d'el fosse , comme al a visitée Lewarde , cha a été un tiot peu plus facile à comprinte , sans vraimint, bin sur, réaliser
donc j'y espliquos qu'apres ête passé par chés lavabos , canger d'loques , pris m'lampe in montot chés z'escaliers in feral, jusqu'à l'accrochache, la in attindot sin tour, yavot la aussi d's'heures ed' pointes, pour monter din l'gayolle, fallot juer des queutes
pour fermer chés portes ech'gars yétot obligé ed' pousser comme din ch'metro, sauf qu'chés portes y z'étotent pas automatiques, pi in fos infermés, yavot chés sonneries, et din seul coup l'cache al plongeot din l'vite comme chés manèches modernes , et si mes souvenirs sont bons, chétot du 8 mètes seconte pour ch'personel
j'l'aiche el fin pour ed' main , j'dos aller vir et ingueuler min camarate André pour ses déclarations "intempestifs" ché bieau cha hein ?
mi j'trouve que l'déclaration à ANDRE a la été bien plaché .
pinsé à l'journée du patrimoine ché bien !
in a tous des vieux dins nos familes , et faut quand même bien leurs consacré eune journée .
maurice devro ette contint qu'ANDRE a pinsé a li .
André .. met nous des conneries comme cha d'temps en temps , mi cha m'fait plaisir , surtout quand cha conserne MAURICE.
ah té trouf cha bin théo , bin mi aussi cha ma bin fait rire , mais j'su déçu, comme ech'l'ai dit in réponse à andré , j'pinsos dévénir in académicien , et insuite m'arposer au panthéon , bin nan y n'ont méme pas parlé d'mi al télé in tant qu'patrimoine , j'sais pu qui croire , à taleur , après m'sieste