Les jardinsbibliothèque
par chtitalienne le, 29/09/2012Ché Samdi, y'é 4h 10 , in a déjà ringé nos affaires, j'ai 20 cintimes dins l'poche ed min tablier.
Nott Maitresse al a préparé au moins 20 liffes sus sin bureau , cha y'é al comminche à énoncher ché titts
-Les Lettres de Mon Moulin
Personne n'leffe sin dogt , mi non pus , ej l'ai déjà lu
-Les Misérapps (tome 1) ej l'ai déjà lu aussi, ej voudros bien lire ch'tome 2 , seulmint qu'Papa i m'a dit in rigolant : T'as qu'à raviser t' mére...
-Ma cousine Bécassine
Tiens , tout'l'montt leff sin dogt là..
Ché Lucienne qui l'a eu . in l'ravisant bien cha i va bien ch'liff la.
-Les Vacances de Prosper (yop la boum) qu'al ajoute l'maitresse
-JANE EYRE
Cha y'é , j'ai levé min dogt , ché min liff pour einne semaine, j'ai core 10 centimes pour un autt liff mais y'a l'fantome d'un carambar qui passe et arpasse d'vint mes yux... ,quoi faire?
Em vla rintrée al maison , j'avale einne tartine ed paté vite fait.
Man ej peux aller lire in haut?
Ouais , mais laff te avant, j'ai cangé ché draps...
Sus dins min lit , y'é 6h . mes draps i sont tout blancs , cha sint bon, min liff aussi ,i sint bon, bon ej vous laisse hein , ej veux tout savoir sur l'vie d' Jane Eyre avant qu'Manman et Joel i montent s'coucher
ah chés chucrates , quo qu'in étot contint quand in avot un tiot sou , pour aller n'd'acater , mi chétot surtout chés tiotes boites ed'poute ed'coco qu'in trimpot sin dogt n'din , qu'chétot bon
mais s'qu'ech'préforos chétot d'aller juer au tac tac , din un tiot bistrot d'su l'route ed'l'école , chétot formidape un plus ed' rintrer din un bistrot à nous ache
