bilbliothèque suite

mi j avo surtout gardé l' souvenir du CE2 , du qu in allo cacher chacun son tour un liffe dans l' armoire qui éto au fond d' la classe

mais ché vrai aussi que j a connu aussi l' aute système, quand que ch' maite i avo ramassé tous ché liffes qu in li avo rindu...

j ' me souviens qu in passo chacun sin tour l' vire à sin bureau , cha duro pas longtimps , i raviso l état du liffe qu in li rindo

fallo ensuite lui réseumer en queques mots l histoire, pi i nous poso des questions pour VRAIMINT vérifier qu in l avo lu

faut dire que i en avo qui n étotent pas des carnassiers d' la lecture, et qui s' contentotent d' apprinte l'tchiot réseumé qui yavo d écrit dans l' revers gauche d' la couverture...

fallo pas printe ch' l' instituteux pour un babache, in' a surpris plus d' un qui avotent pas eu l' temps , vous m' direz qu in l' la toudis si in veut l' printe, ou plutot ceux qui n avotent pas eu l' volonté d' aller au bout du liffe

in éto quequ'zuns qu in éto des carnassiers d' la lecture, et qu in s' demindo à l avinche si c' qui avo pris la s'maine avant chéto bien, et d' quo cha parlo

eune fos tous ché zéleffes passés d'vant ch' maite, i avo à coté d' li tous ché liffes qui avo récupéré

après j allo dire , "i faijo l 'artique" , i cito l' tite du liffe , i dijo in deux mots d' quo cha artourno et ceux que cha interesso i levotent l' main

alors ch' maite i décido d' qui y allo l' lire chte s'maine, ché aussi pour cha que quequ' fos ch' maite i désigno directemint à qui i allo l' donner vu qui avo noté qui qui voulo l' lire la s'maine avant

y a des liffes qui avotent du maux à printe preneur, là ch' maite so i donno des renseign'mints in plus, ou alors i désigno directemint chti qui allo l' récupérer

i dijo aussi, plus qu' zattindez, moins qui yaura d' choix ....

j' me souviens avoir lu des fabliaux, y avoir découvert le roman de Renard, et surtout un liffe d' la série "contes et légendes"
cha m avo tel'mint plu que m' mère ale m avo conduit à plusieurs reprisses à mon d' chez Dambrine, l' librairie qui yavo rue Henri Cadot

j avo dévoré les contes et legendes des vikings, de l allemagne, du western, pi ceux d' la guerre de troie

comme que , à l école, in a pu aussi , pour ceux qui voulotent , printe plaiji à la lecture


asteure, j' vous assure que j' su assez étonné, ché l'moins qu on puisse dire, d' vire le peu d interet des jones à la lecture

à moins peut ete que si les mettotent in jeux vidéos, j' su sur que ché jones i raviserotent d' plus près l ile au trèsor ou simplemint les jules verne que j a lu quand que j avo leur ache ......... mais révons pas ....