ch' dépliant du Mutant

j a archu y a quequ' jurs un dépliant du magasin Mutant, savez ch' discount alimentaire

in tournant ché paches j' m a fait eune paire d' reflexions

D'abord j a vu que meme si ch' magasin i s appelo "Mutant" , j' me d'mindo si, de près ou de loin , y éto issu du groupement Coop qu in avo connu dans ch' temps

j a vérifié sur internet , ch' est l' cas, l' marque Mutant ale a été créée en 1986

quand qu in éto jone, avant l arrivée des grantes surfaces, j'devro plutot dire des super et hypermarchés, ya eu eune premiere révolution chéto l' mouv'mint Coop

J in a djà parlé dans un aut' artique y djà quequ' temps

J'me souviens in dijo " j' va à la copé" ou "j' va chez coope"

mi j' arvo ché timbes qu in avo dro à l issue d' chaque achat qu in y faijo , ché manmans ale zarmettotent ché timpes d' dins ch' porte monnaie avec l' monnaie

eune fo arvénu à mason, ale méttotent ché timpes d' dins d' grantes zinveloppes, en attinte, pour l' momint d' la noel

chéto à ch' t époque là , in d'mindo à l' caissiere si ché grantes feules ale zétotent arrivées

ouais chéto un ensempe d' feules ou plutot d' grilles différentes, eune feule par type d' timpe 1 franc , 50 centimes, 20 et 10 centimes, et pour pas ch' tromper chaque valeur d' timpes avot eune couleur attribuée..

j' me souviens qui yavo des timpes violet, vert , orange

début décempe, in donno un coup d'main à manman, et in l ' aido à coller ché timpes sur ché feules d' papier

chéto dégoutant à la fin, in tout cas in avo l' gout del colle du timpe sul' lanque , mais chéto pour la bonne cause, in savo qu au bout, eune fo ché griles rimplies, m' mère ale espéro avoir rimplie assez d' griles pour avoir dro à des cadeaux, chéto surtout des zartiques d' ménache, comme des castroles, des cocottes, des faitouts.......