au tableau suite

grand mystère pour nouzautes aussi, commint que ch'maite , au tableau i écrivo si bin , alors que nouzautes, chéto bancal, écrit trop pitit que ché zéleffes des derniers rangs, ché salauds, i prenotent un sacré plaiji à l'ver l' dogt

ch' maite i leur demindo quo , et i dijotent " in vo rin m'sieur, ché écrit trop pitit"

j' t artiendrai cor ti, à dire cha, simplemint pour que j a eune réprimante ou des points en moins ....

pas si facile qu' cha d' savoir s' servir del craie , pour ché plus jones, j' va vous raconter un tchiot peu des viux souv'nirs


la craie , y faudro dire d abord, qui yavo des craies blanques et des craies d' couleur

facile zallez dire , in l' savo , sur mes gins, mais par habitute, j' peux vous dire que l' craie blanque ale éto plus solite que l' craie d' couleur

alors quand qu in éto au tableau et qu in utiliso l' craie d' couleur, fallo pas trop appuyer sinan l' craie as' casso in deux, yavo un bout qui t'resto dans les mains et au miu, l' aute i quéyo dins l' rainure du tableau

l' plus souvint ch' bout là i voltigeo à terre,et in avo drot à eune remarque dech' maite ... chéto comme si in casso sin matériel


aprés l' craie blanque, fallo l' tenir d eune certaine fachon, i voulotent pas que ch'l' index i arcouvre presque inter'mint l' bout d' craie, nan fallo l' printe d eune certaine fachon, entre le pouce et l index

casser un bout d' craie chéto sur qu in avo dro au miu à eune reflexion, l' pire ché quand que té cangeo d' craie, que t avo dro à eune neuve, save au début quand que l' craie ale est neuve, ale est arrondie au bout

alors là si t' appuyo d' trop d' sur et qu ale casso t avo dro à t' faire appeler jules par ch'maite

après chéto parel , fallo pas juer à faire crisser l' bout del craie sul' tableau, in n a que cha leur faijo tout drole , enfin quand que j' dis tout drole, i zappréciotent pas cha du tout .....

eune fo l exercice terminé, bon an mal an, allez in va dire bon an , et qu in arjoigno s' plache , ch' maite i continuo sin cours, et tout in nous parlant i prenno un truc pour effacer cha paraisso magique

en fait cha s appelle un chiffon de craie, ché un morciau d' bo rectangulaire que d' sous y a du feutre qui est collé, et avec un seul passage et cha paraisso magique, ch' maite, d un coup , tout douch'mint , sans effort, i effaço c' qui voulo essuyer

Minloute, ché comme les prestidigitateurs, i n'donnent jamais le secret de leur tour. Comme té n'vas pu au tableau, j'va t'expliquer comment que les maîtes i z'écrivent : in tient l'craie comme sin stylo, on appuie discrètement l'tranchant desse main sur ech tableau (pour l'équilibre) et pi après comme l'écriture sur sin cahier (al plume), toudis deschinte bien drot, quelque que soit el lettre qu'on trace,(même des o ou bien des a) bien remonter la fin del lettre.
Bon té t'intraines sur el mur dech voisin et té nous n'arparle.

j'ai l'drot mi aussi ed' participer a chés cours d'écriture , avec in craie , pi j'voudros bin connaîte ech'chiffon magique