le livre d'or
par minloute le, 26/11/2012meme si in réagit pas souvint, in est toudis sensipe à ché mots qui sont mis dans le livre d' or
in est toudis contint d' vire qui a des gins qui découvrent l' site et sa "mine" d' sujets
ch est sur que depuis qu in a comminché à met' des sujets , soit février 2005 cha fait eune multitute d' histoires à lire , qui permettent souvint à tout l' monte d' s'remémorer d anciens souvenirs ...
j' vo hier j' cacho c' qui avo déjà écrit dans la rubrique "les commerces" , vindiusse , cha fait un sacré paquet
sur la présentation du site, ale peut paraite un peu "sévére" , du gris dins ché colonnes, et du jaune clair au miyeu
ch' est sur que ch est loin d ' éte "claquant" , mais meme si j a eu y a un tchiot momint l' désir d' "moderniser" ou au moins d ' rente plus attrayant la page de garte du site , in a rin cangé en fait
in préfére rester comme cha, sobre, sans chichis ; sans canger, et verrez dans queques zannées in va passer pour "collector"
aprés mi aussi j' va faire del publicité, si ché cor à faire, pour le blog d' André de Marles, du que vous pouvez vous connecter directemint dans la colonne d' gauche du site
pour mi , "la mine d informations sur la mine"