la voix du nord au matin
par minloute le, 28/11/2012min père au matin i faijo l' meme rituel quand qui ouvro sin journal d' la voix du nord
eune fo qui avo survolé un premier coup c' qui s'passo su bruay, i allo vire tout d' suite l' rubrique d' nécrologie....
chéto du ginre
" Odette, teut' souvient d untel que j avo travaillé avec li au magasin central ?"
"Odette , teut' souvient de chti chi qui éto marié avec eune file untelle , qui resto au quate ? "
"bin merte alors Odette , Monsieur untel y est décédé, in l interre aprés d' main"
souvint y éto ému, y acuso l' coup, y a toudis été fort sensipe , mais pas dans l' sens brayou, nan cha l' toucho vraimint
chéto pour min père nan pas del mauvaise curiosité, i teno à savoir, à pas oublier quéqu un , pour pouvoir s'rinte à s' n inter'mint
et i rajouto souvint, quand que m'mère ale li d'mindo quel age i avo ," avec ch' te gampe raite , ja pas déchindu au fond, ah j in a interré des générations d' mineurs"
chéto pas fini, pasque au r'tour d' l inter'mint min père éto toudis pensif, faut dire que d'vire partir l un après l aute tous ché gins qui connaisso .....
quand qui rintro chéto toudis l' meme rituel aussi, parlo pas grinmint d' l enter'mint mais surtout des gins qui y étotent et qui avo discuté avec eux
j a vu untel ,i sort pu grinmint , s' femme ale reste alitée ...
j a vu untel, j' l a pas trouvé en grante forme ...
nan j' do j' dire que l' premiere question d'em mère chéto " chéto plein ?" , comme si chéto l' plus important
min père i répondo évasiv'mint, pi i rinchaino, "par conte j a pas untel "
cha veut dire qu' lend'main ou dans l aprés midi i prenno sin téléphone pour printe des nouvelles ...
y a pas pu v'nir , y a été opéré d' tchi...
i m a paru tout essouflé, j' va aller l' vire d' main en passant par là bo ..........
ch' est sur qui yéto souvint à s inquiéter des zautes, et l' jur que ch' est li qui a été interré, m'mère ale a pas eu b'soin d' s inquieter si chéto plein....
cha l' éto vous pouvez m' croire ......