et aprés nous .........
par minloute le, 17/12/2012ch' est un sujet qui faut aborder, et aprés nous ....qui ch' est qui va "arprinte l' flambeau"
pour mi, j' cro que cha va s' perde en grante partie .....
pasque nous in in parle cor pasque in a connu tout ou partie d' l époque du bassin minier
ché plus anciens i zont déchindus au fond et ch est les derniers témoins d' un monte asteure total'mint disparu
pi y a eune aut' génération, d' gins que ch' est les parints qui déchindotent au fond, et qui ont l' souvenir d' l activité d' leu parints
à bruay cha ch'est terminé en 1979 , ch' est pas si loin qu' cha, mais tous ceux qui sont nés aprés ch'te date à bruay , bin i zont pas connu c' qu in a connu
et j' pinse que si n na qui viennent sul' site , cha do leur sembler un temps bin ancien, chti des ouatères dins l' cour et des bains dans eune bassine dins l' cuisine ........
j' veux pas faire un combat d arriere garde, dire que ch' éto miu à not' époque qu asteure
in constate quand meme que dins ché bassins industriels , ché toudis la meme rengaine ....
que che so l' carbon, l' textile, la sidérurgie, ch' est toudis l' meme musique
in fait v'nir des gins d' tout partout, in a tel'mint besoin d' main d'oeuve, faut du rend'mint, et ché gins i zy laissent eune bonne partie d'leur santé
ché cités durant ch' temps là ale grandissent à vitesse grand v
pi un jur, in intind parler d' fermeture, d'recessions, pi d'reconversion, d' plans d' artraite ....
pi quand que cha freme, in met rin d aute al' plache, ceux qui ont cor in ache d' travailler i vont cacher du traval ailleurs et cha fait partout des zones sinistrées ...
ché vrai pour not' bassin minier, ch' est vrai aussi dans les ardennes, en lorraine etc etc .....
et aprés nous ....qui qui va arprinte l' flambeau ?
in in parlo avec marie claire, y a quequ' temps , j' sais pas commint qu on pourro faire, mais j' poso la question commint qu on pourro faire perdurer ché témoiniaches ....
j' sais pas cor commint qu on pourro faire, mais j' su pas inquiet, vu l' vitesse du que l' modernité en informatique ale évolue toudis
j' espère que le plus tard possipe, faudra qu on puisse faire quequoose pour que tous ces écrits là i partent te pas al' poubelle ...
pasque tous ché témoinaches qu in met sul' site, cha mérite d' passer les décennies et d'rester comme un témoignache vivant du traval et d' la vie d' nos taions
J'tarjoinds là d'sus Minloute. A m'navis, din moins d'10 ans, y'aura plus chte richesse qu'in apporte sur ech site.
Mais té sais, ché partout pareil. Ravisse, un truc flagrant, ché les histoires ed services militaires. Mais ché la vie et pis chacun s'népoque.
Mais mi j'dis qu'el plus à craindre ché les gins qui s'disent avoir la sciences infuse et qui raconte n'importe quoi pour s'faire valoir et qui sont certains d'avoir raison. Mais ché pas l'cas sur el site.
In forme in équipe solite avec al tiête des gins formidapes. Ichi sur el cote d'opale, j'parle gramint d'HDC et le blog d'andré, et les retours sont glorifiants j'peux vous l'dire.
faut pas s'berlurer, Minloute les jones d'asteur i z'ont rien à foute d leurs ancêtres.
du momint qui z'ont leurs portapes ou leurs tablettes machin chosse rien n'a pus d'importance.
ché comme cha, ché l vie
propos qui ben sur n'ingache que mi.
Transmettons,transmettons mes gins,i faut que cha ess' perte, ti Minloute cor jeunot, ainsi que Marie Claire comme ti peine arrivée à la fleur de l'âge, cha en' demande que cha el savoir des anciens, pour les futures générations, et ché là qui faut les éduquer, pas toudis avec leur Gam' Boy, ou autres jeux qui déringent lu esprit, et qui in restera quoi el modernité qui les depassera..
mi y faut pas em' parler ed ché nouvieau téléphone portape, qui gliche sur lu écran pour faire avincher les photos, de toutes façons in pourra pas ed' faire avincher el progrès, mais y faut rester ZEN', et SEREIN, et vous veyez mes gins jpp et mis in est cor là pour longtemps, ech' dira "ché à souhaiter pour faire cacher Boxerman qui ess' creuse la tiête plus d'un coup" .."pas vrai Patrick" , Gamart- Lemoine cha ed dit rien??, allez cache Minloute, in va y arriver....
ch am' fait un peu complexe ed parler patois et français, car ej' viens d'envoyer un mail à mes amis norvégiens ed 1947, ouais mes gins, qu'ech conno ed pi l'âge ed 12 ans.. j'en sais pas si vous êtes fort in math', mais calculez em' âch'.. ou alors demandez à notre instit' J....
Ché cor toudis la question des bénévoles mordus qu'in trouve partout din nos associations du Nord...mais là aussi la relève al s'effiloche.
La solution du devenir de site comme el notre? J'ai des idées mais el solution on ne l'aura pas : rappelez vous quand on a parlé du musée d'l"écriture...que aucun élu i a voulu arprinte... J'sus passé à Lillers, i a rien. Manque ed sous pour tout l'monde.
Un jour à Bruay, on a imbauché, en emploi jeune, une tiote que j'connaissos, Odile B., al faizo del clarinette avec mi. Al avo une licence d'histoire géographie et sin rôle cha devo ette de regrouper les témoignages d'histoire locale sur Bruay. Je lui avos proposé de l'aider...Elle éto emballée...Mais 2 ou 3 mois après, al éto déballée passe qu'on i faiso faire tout sauf esse mission initiale.
Après, je peux aussi vous dire que mes presque 400 buvards i sont sur micro-films aux archives du Nord : un jour j'ai contacté une conservatrice, qui a été enchantée de découvrir min trésor, elle me l'a emprunté avec une décharge et ...
I suffit de tomber sur un décideur intéressé et on aura la coup d'pouce.
Du coup, j'in profite pour lancer un appel à Karinne J. el responsape du Service Communication de Bruay qui vient lire nos propos très très souvent.
J'ai d'jà pinsé à ch'problème ed'transmission d'note histoire. J'croyos qu'cha n'intéressot qu'note génération. Pis d'pis l'début d'HDC j'in ai parlé dins l'famile, j'ai fait un tiot recueil d'mes souvenirs, de l'vie d'min père d'min bieau père et l'idée a fait sin chemin.
Du coup chaque mason de l'famile a un recueil d'note histoire à côté des albums d'photos.
J'pinse que cha fera parel avec HDC. J'y ai pinsé mi aussi.
Avec eune base d'documents, d'photos comme y a là ch'est pas possipe qu'cha soit perdu ! Laisser eune trace j'cros qu'ch'est l'espoir ed tous ceusses qui viennetent sul site.
I peut y avoir un musée qui s'y intéresserot ou alors i a aussi les archives départementales cha dot exister les fonds d'origine privée.
In tout cas Minloute et Marie Claire savent que j'sus reconnaissante du traval qui z'ont intrepris là et j'les in remercie.