et après nous ....1
par minloute le, 18/12/2012ch' est un sujet qui m' tenno à coeur et que j y pinse souvint
ch' est vrai que ché générations qui ont pas connu tout cha, bin cha leur dit rin ou pas grand cosse ...
pi les années , les decennies vont passer , quo qui en restera ?
in in sait rin, ravisez du coté de lyon, yavo les canuts, ceux qui travaillotent dins l' tissage , et qui craignotent l arrivée des métiers à tisser , chéto au miyeu du 19 ème sieque ...
lyon a évolué, a cangé, mais si in veut s interesser à chte périote des canuts, y a grinmint d' liffes et d' documents qui sont à not' disposition
ch' est un peu comme cha que j' le vo, mettre à la disposition des générations futures , l ' image la plus complète, la plus fidèle de c' qu in a vécu dins ch' bassin minier
yaura ch est sur eune périote d' désinteres'mint , ravisez , quand que ché mines ale zont freumés, i n étotent pas nombreux ceux qui tout d' suite ont arpris ch' flambeau ou alors chéto j allo dire presque in catimini, cha avo meme pas si bonne presse qu' cha d' parler d'ché mines, comme si tout l' monte voulo tourner la page ...
in a abattu des chevalets, arasé des terrils, des batimints pour en faire des friches industrielles sans qui a pas grand monte qui avo réagi
pi, y a eu des gins qui ont arpris ch' flambeau, pour cha j' veux pas desespérer, plus qu in pourra expliquer commint chéto , plus cha aura d' chances d' etre retranscrit d eune manière l' plus fidele soit elle