la plus longue journée

au matin in est vite réveillé , suffit qu un camion bien carqué passe , faijant tranner ché vites del mason pour qu in so réveillé

pas question d' essayer d' se rindormir, ché l' derniere jurnée, l' derniere line droite, eus'soir in mettra ché chaussons au pied du sapin ....

aprés ......vous m' direz, yaura pu qu à attinte aussi, mais ch' est plus parel, in sait qui va y avoir la nuit , qu in va et' quand meme mate, pasque faut dire que chte derniere journée , in est un peu sur ché nerfs

as'deminder si ché parints aussi , pasque question patience, suffit qu in so tout juste un tchiot peu plus enervé qu' t' habitute et i sont in train d' nous querre d' sus .......

avec toudis ch'te fameuse menace d'rin avoir demain au pied du sapin ..........
ch' est pas ti honteux cha, d'nous tenir avec d' si grosses fichelles zallez dire, mais savez nous ché cadeaux chéto sacré, et in savo vite s' calmer ou du moins donner l impression qu in éto plus sache ...

in fait à l intérieur in arréto pas d' bouillir .....

derniere jurnée , du que ché dernieres personnes del famile arrivotent (souvint eune d' mes soeurs)...

vient par ichi minloute, (comme si j'croyo cor au père noel, et fallo pas que j' vo m' soeur monter ché paquets cadeaux à l étache)

interdiction aprés d' monter là haut sauf pour aller m' couquer ....

quand que j' commincho à tourner autour dem' mère , am' dijo "té sait pas quoi faire ?"

là, par un reflexe instantanné, j' savo quo faire, au pire quite à d'minder l aprés midi d' raviser la télé

in a souffert, in n a eu marre d attinte, alors aujourd hui , soyons à not' tour un peu patient envers ché zinfants et tchiots zinfants, pasque y a queques zannées, chéto nous qui étotent "un peu" énervés ....