du qu'ché qu'in est ??

Noël passé, on a déballé ché cadeaux et pis in n'a qui nous plaissent pas.
ET bien in va l'canger ach marchand. Bin ouais, ils l'ont dit à l'télé, ach poste, tout partout.

Ech commerçant i dot té l'arprinte.. Ch'matin al radio, i z'ont même dit qu't'avos un délai rétractation ed 7 jours.

In n'arrête pas l'progrès mes gins. Mi, d'min temps, té prénos tin cadeau, que té sois contint ou pas, té t'auros jamais avisé à demander à l'canger, ou même faire vire que t'étos pas contint.

Mais chétot d'min temps.

d' not'temps et pourtant mi j' su d' 60 , in éto contint d' nos cadeaux , j' parle meme pas des générations avant mi du que, avoir un cadeau à la noel chéto formidape

et j' parle pas d' ceux qui avotent eune oranche et pi ch'est toute

ch' est meme un paradoxe, d'vire qu asteur in parle que de crise, et d'vire tout ch' déballache d' juets et d' nourritures à foison

avant in s' renseigno sur les gouts des zinfants, pi in auro jamais osé arporter un cadeau ach' vendeur pour in acater un aut'

pour mi ch'est meme un manque d' respect pour ché gins, et meme un manque d' respect pour ché cadeaux

ouais un manque d' respect pour ché cadeaux, quite à passer pour un viu nostalgique, j' pinse quand meme que l' cadeau par li meme chéto quéquosse d'rare ou qu au moins in n' avo pas des tonnes comme asteure

asteure meme pour ché tout tchiots , à moins d' chinq ch'est comme chi y avo rin eu ...

et quand qu in ravisse i jue avec 1 voir 2 au maximum ...

que drole d' société qui y a inch' momint, tout y est jetape, éphémère, t in veut pas, on tel' cange, tin veut un aut' , int' l acate ...

mi j' imagine si j avo dit à mes parints, tin juet j' in veux pas, bin j ' n auro archu eune par retour du courrier ....