Les jardinsau gui l' an neuf
par minloute le, 31/12/2012pour mi,chte périote ch'est l époque des jacinthes qu in offre à ché gins
fait fro dehors, d'dins ché fourneaux i carburent à mort, et sul' coin del tape, y a au moins un pot d' jacinthes qui comminche à fleurir
entre vigins , entre famile, in offro cor souvint un pot d' jacinthe
al' mason yavo l' cousine à min père , Clara, qui faijo la tournée d' bruay, faut dire qu ale connaisso du monte ch' est l' moins qu on puisse dire , et ale apporto l' branque de houx et ch' bouquet d' gui
autant l' jacinthe cha s' vo cor autant le houx et le gui ché d'venu moins courant, cor que y a deux jurs , j éto en train d' randonner dins min coin et yavo un cinsier qui éto grimpé dins ché zharpes et i éto en train d' couper quequ' branques d' gui
au delà d' cha chéto l' momint du qu in avo s' dringuelle, et fallo qu' cha qué , pasque j avo djà programmé c' que j' voulo m acater , j' dis cha j avo pas d' gros besoins mais chte somme d argent là, récoltée inter m' grand mère, mon grand onque, pi Clara, sans compter du coup d 'pouche des parints , cha m' permetto d acater soit des liffes soit des disques que j avo in vue ...
