contenu d' la voix du nord

le contenu d' la voix du nord chéto réglé comme du papier à musique en chte fin d année

in avo dro à , dans l' désorte

al' fameusse retrospective d' l année, que meme aprés i zont fait un jurnal d' l année qui veno de s écouler

in avo dro aussi à eune retrospective du début d' saison d' chez clups d' foot, avec les perspectiffes d' class'mint pour l année qui vient .........

sans oublier la rubrique " i zont veillé sur vous" , là in avo dro à plusieurs zartiques, d' différents postes d' pompiers, et d' ché zhopitals

et bin sur " i sont cor nés en 2012" et les "ché premiers d' la nouvelle année"

avec l' photo d' ché mamans , cor dins leu lits avec ché tchiots marmots à coté d elles


aprés chéto moins gai, yavo chaque année un arportache sur un graffe asquident qui s éto produit sul' rocate l ' soir du réveillon

là parel, in y avo dro hélas chaque année, min père i arlevo am'mère, l' age d' ché jones victimes

sans quo comme dijo min père, y a rin à lire, ché toudis l' meme rengaine , zont rin as' mette sous la dint

j' dis cha y avo comminché par aller vire l' rubrique nécrologie pour vire si yavo pas quéqu un qui connaisso qui s' ro décédé

faut dire aussi que l' jurnal d' la voix du nord y éto lu en plusieurs coups

d' abord avant ch' pitit déjeuner, min père i le survolo, i raviso ché gros tites del premiere pache, ché tites d' la page régionale en pages 2 et 3 , pi allo raviser vite fait l' page d' bruay et i dijo souvint " y n' a qu' pour béthune, y a pas grand cosse sur bruay"

aprés , eune fo ch' bol d' chocolat caud et ché tartines avalées, i arprenno l'lecture plus en détal, toudis al' tape del cuisine , ch' est là qui raviso l' rubrique nécrologie pi ché faits divers dins l' détal