bal 's'
par maurice devos le, 31/12/2012ché in veyant des valses viennoises al' télé qu'j'ai arpinsé à chés bals ed'min temps
à Liévin yavot ch'tabarin et pi l'salle des fêtes , cha chétot chés principaux , tenue d'soirée obligatoires "pas l'queue d'pie hein" nan costume cravate
pour mi et les copains cha cangeot pas , in étot toudis bin sapés
yavot aussi ch'ti d'Calonne Liévin, j'sais pu ch'nom , et pi l'belle femme ou Normandie , très mal fréquenté pindint in période , et pi avec chés copains et grammint d'autes , in a armonté s'réputation
à Lens fosse 4 , yavot ch'très réputé "kubiak" mais grammint trop d'monte , d'ailleurs au son d'in valse , in faijot un "slove" un tiot peu éxagéré
et pis au 14 ed'Lens yavot l'Saint Laurent , bielle salle aussi avec in bonne ambiance
route ed' Béthune à coté d'chés cinémas , "printania" et "eldorado", yavot "ch'cerisier" avec ed' s'orchestre comme "Kiemcick"
tout cha chétot des bieaux bals , sans histoires
et pis yavot , et ché la qu'ech'voulot in vénir , ech'bal des "grands bureaux" ach carrefour du même nom , et la yavot deux salles , si mes souvenirs sont bons , séparées par un tiot balcon , ché très vague
c'qu'ech'j'em rappelle surtout ché qu'chétot rupin , ché l'seul fos qu'in ya été avec les copains , cha devot ête assez ker l'intrée , et y devot avoir lieu qu'in fos ou deux par an , mais ché un souvenir qui ma toudis resté