malate fin
par minloute le, 03/01/2013mi j éto pas trop rassuré, savez quand qu in est malate y a des momints du qu in a caud et d' autes quin s'sent bien, et j' avo peur que ch' docteur i disse que j éto pas malate
j a du m'mette torse nu, j' me souviens cor du bout fro du stétoscope, que j a du bin respirer eune paire d' coups.....
y a artiré ses "zécouteurs" y a d'mindé am'mère si j avo d' la température
ah ouais , cha j avo pas ker cha , s' faire printe la température , j a pas cangé d ailleurs ...
yavo del fieffe Docteur, qu ale dit m'mère, zavez vu j a mis eune majuscule à Docteur, pasque dans s' n intonation al' dijo "docteur" comme si chéto un titre honorifique
j' peux pas vous dire c'que j a eu comme maladie, j' me souviens , qu eune fo qui avo fini de m ausculter et que j' so rhabillé vite fait, que tout l'monte allo dins l' cuisine du que trono ch' buffet
là éto posé au coin, l' fameux carnet d' santé, ch' docteur i le prenno , i allo directemint al' bonne page, vu que chaque feuillet éto en 3 exemplaires si j' me souviens bin
un qui devo aller pour l' framacie mutualisse, eune qui resto sul' souche du carnet, et l' troisieme , j' sais pas si chéto pas ch' médecin qui l' prenno , j' vous avoue que j' sais pu bin
là i inscrivo pour qui chéto prescrit, i écrivait tous ché médicamints qui fallo , i signo tout cha, metto un tampon
et là i armetto sin pardessus, i m' dijo un mot gentil, mes parints i s' confondottent dans des "merci docteur"
eune fo l' porte arfermée,chéto comme chi i zétotent délivrés, cha y est y est passé .....
tout d' suite m' mère ale dijo, ché bin comme cha té pourra aller al' framacie mutualisse in début d aprés midi .......
rin d'extraordinaire, ch' t histoire là, l avez tous connu, mais ch'est un momint d' la vie qu in a tous connu dins ch' bassin minier , y a asteure ...queques decennies .......
( 1 photos)