suite del maladie

j a tel' mint eu d appels pour savoir commint que cha chéto fini m' maladie quand que j éto tchiot que j su obligé d'vous l' raconter (là j exagére un tchiot peu)

mais l' suite ale est véridique bin sur

j vous épargne les péripéties qu' min père y a raconté am' mère de quand qui yéto al' framacie mutualisse ...

faut dire que m'mère ale éto inquiete d' pas l' vire arvenir , faut dire mais cha il dira qu à la fin, qui éto passé à la permanence du syndicat cfdt qui yavo dans un des locaux qui yavo place marmottan

chéto pas si loin du café martinache ou martinage , chti qui faijo l' coin

d' ailleurs y a des coups min père i ralo pasque i n a qui venotent printe des renseignemints que chéto presque la fin d' la permanence et qu avant zavotent passé du temps ach' bistrot ..

mais bon, on arvient à nos moutons, donc j' racontera pas ché péripéties del farmacie mutualisse, l' queue qui yavo djà à l ouverture....

ché zimployés qui y avo que chéto d' sacrées "longues prones", que comme i dijo min père " si zavotent travaillé avec mi , j' les zauro fait droper"

ah cha chéto eune d' ses expressions préférées

sans parler d' ché gins, " yavo pu qu eune d' vant mi, et l' vla qu ale sort d' sin sac , chéto l'file untel qu ale habite rue untel, bin jel vo commincher à sortir des carnets , que j a cru que chéto pour tout ch' quartier du 3 qu ale veno, d ailleurs j y a dit que chéto pas normal, j' m a pas démonté, té sait odette, qu in m appelo l emmerdeur" ......

bon ,ch' est là qui "glisso" qu in sortant yavo rencontré Joseph Malecki, et m' mère ale li dijo "alors t as été al' permanence ?"

et min père "ouais mais j a fait que passer"

Papa, "ne faire que passer à la permanence syndicale" ...personne i t'croyo pu ...

bon l' essentiel chéto qu' min père i rameno ch' précieux sac plastique blanc du que d'dins yavo ché médicamints

alors min père et m' mère i ravisotent ché médicamints, min père i li dijo les prescriptions qui étotent marquées d' su ché boites et sul' feule d' soin

cha ch'est pour demain matin, cha ch'est pour c' soir ....

mais expliquez me , expliquez me mes gins POURQUOI, POURQUOI quand que ché pour les suppositoires y a pas d'heure et que ch'est tout d' suite qui faut in printe un ?

allez té va in printe un qu ale dijo m'mère
y a pas plus efficace qu un suppositoire pour t' soigner qu ale rajoutto

et min père i termino toudis par , " ché eune tchiote fusée qu ale va directemint soigner du qu' t as du mau"

oh mes gins j' va pas vous zin faire tout un plat, et que ch est quand meme m' n intimité à mi personel'mint...

mais j' peux vous affirmer que ch' fameux suppo y avo du mau à rintrer ,meme que y a des coups j arrivo al' faire arsortir ...

et m' mère qu ale dijo, mais laisse te faire, y est en train d' fonte dins mes mains ......

bon cha y est l' fusée ale est partie direction ma lune, j fais cor attintion quand que j' marche j a toudis peur qui ardéchinte tout seu

oh ché facile des' moquer d' mi, mais j' sais qu in a tous connu cha .....

alors ché zautes médicamints zallez dire ?

j a l' souvenir d eune espece d' truc bizarre, chéto comme du carbon, m' mère ale ouvro l' boite et d' dins chéto d' couleur noire, comme des touts tchiots morceaux d' branques très fines, qui fallo mette dins s' bouque, et pi croquer

et aprés t éto sur d avoir t' lanque toute bleu foncé ...

aute souvenir, ché ché zampoules à boire ...

rangées dans ché boites , un peu comme des cartouchieres, avec à chaque niveau, eune toute tchiote scie

ouais cha servo à couper l'bout d' l ampoule d un coté, et j éto toudis surpris d' vire que ch' liquide i resto à l interieur meme avec l' bout du bas coupé, au d'sus dech' verre et que cha queyo d un coup quand qu in coupo l' bout d' l ampoule qui yavo in haut