in route pour ché 8 ans

in d' vient viu ichi.... cha va faire 8ans que ch'site y est en place, février 2005..........

asteure j' em pose pu trop d' questions vu que cha fait qui y a plus de 17000 sujets sul' site

au tout début in s'demindo si in pourro attinte la barre bin éloignée des 1000 sujets

j a arlu les premiers sujets, in n a que j' supprimerai bin, vu que chéto très court et souvint je les ai ardéveloppé plus tard

aujourd hui min souci des derniers temps cha a été d' em poser la question mais quo que j' peux cor raconter, m' souvenir aprés tant d années, sur que j va commincher à tourner in rond .....

chéto ma hantise , asteure j el vis d un aut' coté , j' me dis tiens cha t in a djà parlé y a un momint j'su sur, cha m inquiete pas

d' ailleurs j' va surtout pas arlire c' que j a écris sinan autant rin réécrire ...

pi, savez in peut traiter un meme sujet avec eune approche différente, et ché justemint aprés que cha peut et' amusant pour mi d' arlire ché deux sujets quand que j' qué par hasard d' sus

pi j' me dis , y a quand meme 17 000 sujets, et j in conno pas qui s'souviennent d' tous ché sujets

donc si i n na qui pinse que j' radote, cha peut arriver aussi, mais souvint quand que cha m' fait plaiji j 'arfais un sujet que meme j' sais que j a djà traité ....

bin mi j'em posse el question , commint qu'té fais pour avoir tous chés souvenirs la , cha m'dépasse surtout aussi précis
nan qu'té radote pas , ché toudis un plaijir ed' lire tout cha

par conte y n'da in qu'ech'voudros bin qu't'arvienche ed'su , ché chelle qu't'armets in peinture tes chiottes , avec et'femme ch'cros , al ma bin marquée chelle la , chétot in d'chés premières qu'j'ai lue

chéto pas eune "coquetterie" que j' voulo pas vieillir l' site, mais merci à ceux qui nous ont invoyé un messache pour nous dire que ....2013 -2005 ..cha faijo 8 ans ...

j avo fait l' calcul cor machinal'mint en m' pensant en 2012...

8 ans ....cha comminche à faire ....

cha fait pas 8 ans pour mi cha dot in fait 6 ou7, j'cachos comme cha sur internet après l'Avenir de l'Artois et j'sus arqueus sur HDC et l'pire cha m'toucho personnellemint chétot l'destruction de l'cité du Philosophe.

et pis i avot aussi les naissances sur l'Avenir de l'Artois, l'naissance de Marie Claire à l'maternité d'Mazingarbe
ché j'mos chi s'date d'naissance dins eune dizaines d'jours comme j'avos l'jour de s'naissance, l'année d'après , j'i souhaite in bon anniversaire j'étos l'seul à l'savoir sur l'site, et Marie Claire al étot étonnée al se demando commint j'avos su s'date d'naissance
j'i ai dit tape "l'avenir de l'artois " t'es vas comprinte cha ché in bon souvenir pour mi et pis l'année d'après j'ai pu été tout seu à i souhaiter, cha aussi ché in bon souvenir