ché bastons à Bruay
par Boxerman le, 06/02/2013Au temps des glorieusses à Bruay y manquot pas un Week-end où y'avot bagarre din ché bals ou din ché dancings.
Chéto réglé comme du papier à musique. Y'avot des bandes qui étotent ed Bruay mais aussi ed ché villaches aux inlentours.
Un seul regard, un n'pétite bousculade ou in n'danse avec un n'garnoulle qui fallot pas et hop chéto parti.
In n'a eu des canettes qui ont volé. Et pi y'avot ché policiers ed bruay qui s'mélotent din la danse. In n'avot un, un ancien Boxeur, fallot pas y'in proposer car y répondo toudis présent.
Et pi d'in l'semaine, pas d'problème, chéto la paix. J'vas taire les noms car y'a peut ête core des "anciens combattants".
cha m'rappele ché bals d' ducasse. notamint celle d'el plache Marmottan et celle du trois.
cha louquot dur..
j'in ai connu qui rintrotent à leur mason leur guiffe in sang.
cha l' les arbutotent pas. eune fos soignés i z'armettotent cha.
comme dit l'aute i savotent incaisser et pas seulemint les cops. à croire que l'alcool aidant i n' sintotent rien.
cha m' rappele un souv'nir:
un jour un sam'di après midi in passe devant l' salle des fêtes i avot un mariache, j'en sait pas c'qui c'est exactemint passé mais les gins i s' battotent comme des quiens.
à savoir quemint les jones mariés ont passé leur nuit d' noces? cha pas du ete gai, peut ete qui se sont battus aussi, allez savoir!!
Ech flic ancien boxeur, chéto ech blond-roux, un peu dégarni? Je n'dis pas sin nom mais si ché li il a quitté notte monte deux ou trois mois avant la fin 2012.
Ché hordes de combattants elles z'ont été stoppées par un juge d'instance qui est arrivé vers 1975 à Houdain.
I preno en compte tous ches procédures de bagarres, rapports de police, contraventions etc;;; i faizo vénir tous les belligérants au tribunal din la mairie de Bruay.
I n'cacho pas à savoir quoi c'qui s'éto passé ; i dizo que chéto pas bien de s'batte sur la voie publique et i fouto une amende de 1000 francs à chacun (150 €) recouvré par le Trésor Public....
Cha s'est vite dit et ché bagareux i z'ont préféré subir des regards de travers que de sortir leurs sous. El surnom du juge chéto devenu "el juge SS"... mais il a ramené l'calme.
mi j' me souviens cha devo et' en 76 ou 77, yavo eu eune fete organisée par ché anciens éléffes d' carnot ; chéto al' salle grossemy
yavo not' prof d' français qui nous avo d'mindé d y aller, i n a pas beaucoup qui y sont allés, et cor cha a fini avec eune grosse bagarre avec des jones venus d' Auchel ou d'Marles , ché cayelles ale zavotent volées bas ...