j ' vai talamère
par minloute le, 10/02/2013ch'est en lisant l' sujet "tous à Stella Plage" qu' a écrit France, sujet touchant faut l'dire que l expression qu' min père i dijo ale m a arvénue
al' reflexion tout'not' vie la notion de "territoire" ale est importante
après qui avo bin entamé s' retraite, y a un momint du qui éto trop mate pour cultiver l' jardin qui avo au bout del rue, aprés y éto trop mate pour faire sin gardin au bout del mason...
à merlimont chéto parel, autant avant i allo avec m'mère faire l' prom'nate merlimont stella aller et retour, qu à la fin, i avo pu la forche d' marcher dans l' sape
alors ach' momint là,au matin, i dijo am' mère "j' vai talamère" , il faijo expret d' parler comme cha ...
i prenno s' carette et y allo s' garer sul' parking en front d' mer , pour raviser , de loin , la plage , tout in lisant sin jurnal
les tous derniers temps, quand que j' dis ché chéto juste 15 jurs , jur pour jur, avant qui décéte, in éto allé avec m' famile , rinte visite à mes parints qui étotent à merlimont
et i nous avotent payés ch'repas du midi , ach' restaurant d' merlimont qui est juste à coté du mini golf, et quo , à 100 m à vol d'oiseau d' la mason
quand que j' dis "100 metes" chéto vraimint 100m, bin que min père i m a d'mindé d' printe l' carette pour li conduire, sans compter l' temps que j a mis pour l' désincrinquer del carette , là j'a bin compris qui yavo cor eune étape d' franchie...
ché bin vrai qu'cha comminche comme cha , ya personne qui l'armarque , et ti quand té comminche à t'n'apercevoir ché d'ja bin intamé , tellemint cha arrif in douche et tout duchemint , quand tout d'vie ta été très actif , aussi bin à tin boulot qu'din tin gardin , à tes travaux d'mason , qu'yarrif un jour té t'dis "ché pas possipe" d'ête diminué comme cha
alors comme té dis minloute té diminue tin gardin , el peu qu'té marche té au bout d'et'n'haleine , et même chés toubibs in dirot qui t'crotent pas , "bin si faut marcher , mi ch'su sur qui connaistent el théorie " s'qui z'ont appris a l'école " mais pas l'pratique et cha , ché terripe d'intinte quête fos le réflexions " et même le s'indifferince , quand in leur dit qu'in a d'maux ichi ou la
et pi et bin petit à petit té obligé d'faire appel à tes infants pour ed'donner un coup d'main , " j'ai ch'te chance la avec in ed'mes files et pi s'n'homme , les z'autes sont loin , mais l'pire ché quand y faut faire appel à d's'étrangers , qui faut payer pour faire un traval qu'bin souvint té faijos miux qu'eusses , et même des fos in t'dit " faudrot faire chi , faudrot faire cha "
j'arpinse , ya cor pire même si ché gratuit , in voisine agée , ed'70 ans qui vient t'armonter du bos pour el quéminée , ou qu'in appelle pour canger l'boutel ed'gaz qui faut aller querre din ch'garache , heureusemint qu'em'femme malgré ses problêmes al arrif cor à m'soigner , et cha cha vaut tous chés infirmières du monte