au bruit metallique , diminche après midi au cinéma

hier in arvénant d' randonnée, mon diu qui faijo frod ...j ' m a arreté pour faire des courses
j a pris l' rue pietonne , et à un momint cha m a titillé am' n 'orelle
ou plutot un déclic, derriere mi oh chéto meme pas la peine que j' m' artourne, y avo quéqu' un qui marcho avec des fers metalliques sous ses chaussures

d' un coup j' m a artrouvé comme si in déchindo à bruay l' diminche aprés midi

ouais quand qu in allo au casino ou au colisée, asteure cachez pas après ché 2 grantes salles , ché rasé

l'cinéma l' diminche aprés midi, chéto pour nouzautes, ché grands dadais d' 16 17 ans ,l' momint qu in avo ker

pasque à 16 17 ans, l' phrasse qu in auro invie d'dire tout l' temps chéto "j ' m innuie" ...

pas cor adulte, adolescent dins toute la splendeur d' nos zacnées respectives ......

in allo pas au cinéma toutes les s'maines, nan mi j' savo qui fallo que ch' flime i so vraimint bien pi cha couto quand meme ....

j'sais bin qu in avo d' l argent d' poque par ché parints, et justemint in devo comme cha apprinte à gérer , entre un 33 tours , un liffe et eune plache au cinéma

quo que si ch' flime i éto vraimint bin et qu in éto en panne d' argint, m' mère ale donno cor assez facil'mint, j a pas eu am' plainte...

in metto s' belle rhabillure pour déchinte en ville , nous vraimint in déchindo, vu qu in habito au 2, in avo l' cote des grands bureaux à déchinte , la rue Henri Cadot à armonter , et so in allo à droite rue du barbier pour aller au colisée, ou bin in continuo tout drot , in passo ch' cercle et in arrivo eune fos longé ch' grand lycée aux mille farnietes, d'vant l' cinéma Casino


l' belle rhabillure, j a l' souvenir d un mantiau , j' cro qu in appelle cha un trois quart ou un caban

yavo souvint un grand col type pelle à tarte , que mi j in avo un, escusez me du peu, en espèce d' pio d' daim artourné, et que ch' col chéto del moumoutte synthétique ...

sans oublier ché grands boutons sul' devant , et ché 2 séries d' poques

eune in bas du qu in metto ch' portefeule et pour les plus "émancipés" ou qui les zavotent acatées in douce, ch' paquet d' cigarettes, cor miu l' étui à cigarette imitation argent

pi a un peu in d'sous du niveau del poitrine , yavo eune aut' série d' poques que cha chéto les poques d' ché "craneux" ....

Minloute té restos pas au n° 2, té restos in haut des "grands Bureaux" ch'est pas parèle, "Chemi" li i restot intre les deux, p'tète in peu plus vers el n° 2, vers ech' Skating pas trop loin de ch'grand pont du 2 et i allot aussi à Loubet.