au bruit metallique 3

quand qu in déchindo en ville, in in profito aussi pour raviser ché vitrines
souvint in allo raviser ché montres et ché gourmettes à mon Gysels rue du barbier , ouais in s' voyo plus tard avec cha à not' poignet

faut dire aussi que ch'éto l' début des nouvelles montes,ouais yavo les kelton , "vous vous changez , changez de kelton", cha chéto les montes qu in trouvo dans les vitrines d' ché marchands d' presse et d' tabac

nan nous in voulo les nouvelles, chéto des montes à couartse , ouais cha s armonto pas, fini d' faire comme nos parints comme quand qui zarmontotent ché révels, nan là chéto automatique

ch'éto meme mystérieux, fallo appuyer such' bouton à coté pour vire l'heure, chéto marqué avec des chiffres rouges, plus tard cha sera des chiffres verts fallo innover

mais in s arreto aussi d'vant ché marchands d' presse, in lijo ché grands tites des panneaux publicitaires qu in apercevo derriere l' grille

ch'éto souvint des révélations tonitruantes, qui armettotent en cause la vie, le couple, les zinfants, voir des maladies incurapes d' nos stars de l époque Michel Sardou, Johnny, Mike Brandt, Stone et Charden, Sheila et Ringo
et meme ya des coups chéto Léon Zitrone ou Guy Lux dont in compto djà les jurs vu qui zavotent eu un grand drame dins leu vie privée

in raviso aussi ché zétuis à cigarettes, pasque meme si in s' moquo des craneux, in s' voyo bin à leu plache dans queques temps ou queques zannées

in dijo "ah untel ch'est chtilale qui ya" , sans parler aussi d'ché briquets sylver match qui nous faijotent réver ..
pas toudis facile d' viffe cht'e périote des 16 18 ans ....

j y arviendrais d' sus plus tard , allez pour ceux qui sont arrivés au bout d' ché tro sujets sur les fers d' godasse, j' vous mets chi un collector ... minloute à 17 ans à l époque qui déchindo en ville

Din ché années fastes, comme el dit Minloute y'avot ché cinéma.
Mi j'allos souvint au Rex d'in l'rue des escaliers passe y'avot des films d'Horreurs. Ché là qu'jé vu King-Kong. J'payo 1 franc el plache passe que j'disos qu'javos moins ed 14 ans. Ch'caissier y'étot pas trop r'gardant là d'sus.

M'cousine, qu'yéto in peu plus vielle eq mi al allot au bal à la salle des houillères ou al salle des fêtes. J'allos el querre asse maijon, sin père im m'faijot confiance car y croyot qu'al allot au cinéma avec mi... Hé ouai, Boxerman grand seigneur.

Quiquefos j'allos au cinéma d'ech curé al bussière chéto "l'cinéma des familles".
L'dimanche à Bruay chéto aussi el sacro saint marché d'la gare el dimanche matin. In arpentot el rue jules Guesdes in bande. In s'arrêtot ach marchand ed disque à côté d'ech café hotel restaurant "chez Michel". A chaque fos qu'un croisot des gins qu'in avot déjà vu in s'dijot "l'prochain coup t'é paye in verre"..