ch' dictionnaire
par minloute le, 27/02/2013asteure cha a perdu un peu d' sa valeur, avant qui a internet , un dictionnaire chéto quéquosse qu in acato ou qu au moins in in avo au moins un sur eune étagère
quand que j éto plus jone, à tape ch' poste d' radio y éto alleumé, et in acouto ché zinformations sur europe 1
min père i comminto , pi souvint j' dimindo des zexplications supplémentaires, i m les donno, ou alors chéto aussi un jeu pour li , i tindo sin bras en direction d' la pieche d'devant et i dijo " dictionnaire!"
cha voulo dire que eune fo que j avo fini d' minger, que j avo été m' essuyer les mains, pasque chéto meme pas question d' imaginer qu in foute du gras sur ché pages , pi " un liffe cha s'respecte " pi " un live ch'est un ami" (cha chéto eune expression am' mère)
in tout cas ch' dictionnaire chéto précieux, pasque d'dins y avo "la connaissance"
mon mononque André, que j appelo Parrain, j' mets eune majuscule pasque chéto quéqu' un, quand qui éto jone , y avo suivi des cours du soir, et sin liffe de ch'vet , chéto le dictionnaire
i le lijo, avec la volonté d' s' instruire , et d' se perfectionner ...
min père avo l' meme respect de chte liffe là, quand qui m' dijo "dictionnaire" ou plutot qui m' crio cha , avec le bras levé d un coup , j' savo que j' devo aprés minger aller dans la pieche d' devant, aller printe l' dictionnaire, l' déposer sur sin bureau , cacher l' définition (et fallo que j' trouffe vite sinan i in rajoutto ALORRRRRRRRRRRRRRRRRRRRRRS ........ qui dijo, pi "té va y arriver ou j' t invo eune équipe ?"
mi j' cacho rapid'mint avec le haut del page du qui yavo d'marqué ché syllabes pour permette d avincher plus vite
aprés j avo dro à (j avo oublié d' vous dire qu inter temps min père i éto v'nu s' affaler dins sin fauteul, quand que j' dis s affaler y avo pas ker que j' dise cha, y éto d'vant s' télé et là i réécouto ché zinformations, )
après j arrivo avec ch' dictionnaire et j' devo li lire l' définition
chéto pas fini, loin de là , i vérifio aprés si j avo bin compris
ch' éto un jeu, mais j' vo qu asteure j' fais parel avec m' file, oh in print pas ch' dictionnaire mais j' pose toudis des questions d' connaissances quand qu on est à tape
d' ailleurs si j in pose pas , j a dro à " bin alors t' question "
voyez in fait souvint que reproduire c' qu on a eu ker dans s' n infance
ch'dico chétot aussi un prix ach'certificat d'étute , si in étot archu bin sur , et j'em rappelle qu'apres min poste du matin , quand j'avos diner , din min fauteul ch'faijos des mots croisés , et j'avos toudis min dictionnaire avec mi , ach'teur j'min sers pu grammint , pas qu'ech'su plus intelligent mais ya in habitute qui s'fait ," mais cha baisse , ed'forche 5 maxi , ach'teur ch'su a forche 3/4 , pas d'plus
pour arvénir à tes propos minloute ché vrai qu'in répète souvint chés manières et chés consels ed'ses parints,
hier ech'citot cor in dicton qu'min père y sortot ed'tins in tins ,
"l'exactitude est la politesse des rois "
j'dijos cha à m'file qui dijot qu'al avot pas ker ête artard à sin boulot et ché normal , et mi j'avos toudis appliqué ch'te rêque ,
pour, qu'cha seuche au boulot , à un rendez vous etc , j'préfère ête 5 minutes in avinche , qu'in seconte artard , et mes infants parels , ach'teur ché ach'tour ed' chés tiots infants
Qui n'a pas eu sin dictionnaire dinl' temps.. Bin mi ej vous diro que j'in ai cor un à côté ed' min PC, ché Le Petit Larousse Grand Format i est pas vieux mais i date quand même ed 1992, ché em' maman qui em' l'avo acaté pour em anniversaire..
Bien que in français j'em' débrouille pas mal, mais des coups j'ai un doute, donc el dictionnaire i est là...
pour les conjugaisons des verbes ess' su imbattable, j'ai tellemint eu des punitions à l'école primaire à Jules Ferry ed Bruay in 1943/1944 que el conjugaison ed tous les groupes cha vient tout seu, et ech' vous diro qui faut pas avoir honte d'ess servir ed sin dictionnaire....
ej' vous met el photo, mais faites pas attention du bordel qui a autour, surtout din min bureau, inn' a tout partout, interdit de toucher.... mais mi ess' sais du que tout iss trouve...
Etant féru de mots croisés, J'ai pas mal de dicos (à part internet) , et j'utilise encore le premier Larousse qu'on ait eu à la maison (toujours avec sa couverture transparente,que ma maman avait posée elle même) .
Il est de 1952, mais il m'est souvent très utile, car parfois Michel Laclos utilise des mots qui sont sortis des éditions plus récentes.
J'ai oublié de dire qu'il a été acheté chez Dambrine à Bruay !
Ci-joint la photo
j'ai hérité d'sin dico d'cruciverbiste d'min biau frère silicosé à 100/100
comme minloute i parle d'sin dico cha m'a rappelé que j'avos ch'ti d'min biau
à m'mason in a toudis jué avec euch'dictionnaire.
chacun sin tour in disot in numéro d'pach', 1ére, 2eme ou 3eme colonne et 1,2,3, etc..éme mots
eul'premier qui trouvot l'sens du mot i avot gagné.....rien , chétot pou l'plaisi d'eul lanque françaisse.
jusqu'à min mariage in 1969 y'avot toudis pas d'télé chez min pére. mi je n'ai au moins 5 ed dictionnaires et j'ai toudis min nez d'dins. j'aime les mots.
( 4 photos)