il a le maillot ...

savez min père, i avo ker ,et j' cro qu au fil des sujets et d' zannées , zavez compris qui avo ker" l' comique d' répétition" ...

yavo des phrases toutes faites, et quand chéto l' tour de france qui passo al' télé , souvint in y avo dro al' canchon d' Marcel Amont " il a le maillot"

alors eune fo la ligne d arrivée, j' me souviens qui yavo eune année j' pinse que chéto dans les années 70 , que ch' vainqueur de l étape à peine qui yavo franchi l' ligne, yavo ché jurnalistes qui l intourotent pi aussi eune troupe de sponsors qui faijotent tout pour s' faire vire al' télé

ch' t année là chéto Virlux qui éto mis en avant ,à peine que ch' vainqueur i freino , in voyo arrivé quéqu un d'chez virlux, ouais pasque meme si in avo du maux à comprinte, chéto marqué virlux sus ' casquette, sur sin maillot, et i offro au vainqueur d' l étape un coffret virlux (virlux chéto du beurre)

alors là min père i gueulo , ch est l' terme " allez fout zy du virlux" que m'mère ale ralo pasque min père i crio trop fort ...
quequ' zannées aprés chéto avec ch' gars d' chez perrier, li chéto un gars qui devo pas et' loin d' l artraite i avo eune casquette d' marin et parel eune fo la line d arrivée, si i s écouto i incrinquo l' boutel' ed ' perrier dins l' bouque du pauv gagnant qui avo du mau à arprinte sin souffle

là aussi i crio " fout zy du perrier" , et m' mère parel ale ralo ...ch al' faijo rigoler

pi aprés que che so virlux, perrier ou coca cola par la suite, yavo l' cérémonie du podium de chti qui porto l' maillot jaune ...

et là in avo dro al' canchon d' marcel amont ..."il a le maillot, il a le maillot bouton d' or, le maillot jaune" .......
maillot jaune ptete mais j' su pas sur qu à ch' tépoque là in raviso l' télé in couleur ...