visite dins ché corons en timps d' neiche
par minloute le, 17/03/2013- bin té sait j' su bin contint qu'té so passé Léonce , j'a pas vu grand monte ché jurs chi
-pi que faire? rin qu' à raviser par l' farniete té vo qu' ché carettes ale montent te pas la rue Florent Evrard ..
-acoute,cor heureux qui avo l' gente d' madame Jeanne qui a v' nu tous les jurs vire s'belle mère, y a buqué al' porte in début d' semaine pi i m a proposé d' em' ramener ch' pain et si que j avo des tchiotes courses à faire
-pi cor heureux té sait que l' gars i passe pour la voix du nord, i passe plus tard , mais i passe
-tel' verro j a discuté avec li, bin i fait toute l' rue à pied, et pi cor y a failli s' rétaler eune paire d' coups qui m' dijo
-mi j a bin essayé d' sortir, mais rin qu à vire l' état del' route, pi l' neiche qui yavo conte ch' l' escayer, chéto pas prudent Léonce
-pi té sait l' premier jur, j a été dins l' cour, bin té vo avec tous ché cats qui attindotent pour minger , et j' peux t' dire qui zétotent tous là, j a failli m étaler à terre, cor heureux que j' m a artenu ach' grillache, tiens ravisse m' main, j a du faire un pans'mint
-tiens ravisse dins l' courrée , ravisse i sont tous là, i vont pas loin té sais dech' temps là , mais i zont pas frods, sont tous au fond des cabanes , su ché sacs d'jute
-j' commincho à m ennuyer, cor heureux qui a ch' transitor té sait, pi que faire ? djà té vo , quand que j' dors in haut , j a du rajouter eune paire d' couvertures
-pi toute l' journée, té sait du que ch' j' su ? bin là té vo sum' cayelle au coin dech' fourneau
-oh d' timps en timps j' va dins l' pieche d' devant, j' ravisse dins l' rue, mais y a vraimint pas personne qui passe, ou alors les rares que té vo , té zarconno pas, telmint qui sont d' loques sul' dos
-nan té vo Léonce, nan j a b'soin de rien, pi in l' a vu djà hier aprés midi ch' solel y est arvénu , ch'est bon sine ,cor eune paire d' jurs comme cha pi in in parl'ra pu
*ch'est pas eune discussion d asteure, nan chéto en début janvier 1985, à mon d' chez Clara ...
mais in auro pu l' intinte aujourd hui aussi,et meme à vire les photos que j a archues d' bruay ché derniers temps , ch' t année cha a été l' pompon...