l' messe des rameaux
par minloute le, 26/03/2013j' va cor essayer d' vous convertir, mais j a un souv'nir qui m' est arvénu d' eune messe qui avo lieu à l 'églisse st martin d' bruay
in avo été , ch'est plus que rare que toute l' famile ale y aille, mais j a l' souvenir que chéto pour les 50 ans d' mariache d' mes parints
in éto aux premiers rangs, in plus min père comme y avo eune gampe raite, i li fallo eune plache devant d' préférence, et comme i participo souvint à la lecture durant la messe, ch' est pour cha qu in éto d'vant j' pinse aussi
l' abbé Mille, ch est li qui officio, et j' me souviens que quand que cha a été l' bénédiction , acoutez , ch'est pas qui a béni mes parints, mais i z'a pratiqu'm int arrosé ......
y in sourio discret'mint d ailleurs , nous aussi in rigolo
Aprés l' messe , mes parints i vont l' vire , et i li dissent qui yavo pas été avec l' dos d' la cuillère, yavo répondu ,"vous vous plaignez ? ch' est l' bon diu qui a guidé ma main, j' y su pour rien" ....
i savo avoir d' l humour, et y éto proche d' ché gins, par eune simplicité et eune disponibilité désarmante
chétot eune semaine marquante pour chés infants d'choeur, i fallot aller querre ch'buis dins chés catiaux dins l'boulevard d'MAZINGARBE et à l'maternité (la mairie acht'heure)
in commincho par l'villa st ARNOULT et in raviso in guénio tant qu'in pouvot chétot tellemint grandiosse pour autes
in rintrot din c'qui devot ête eune cuisine toute carrelée comme al boucherie dins les autes catiaux in rintro nulle part l'jardinier s'occupo d'nous .
in mettot ch'buis dins des lessiveusses in avot chacun s'brouette ou s'vièle poussette du momint qu'in pouvot mette eune bouleusse d'dins .
après in raméno ch'buis à l'églisse au font à chés fonts baptismaux et ch'curé i bénissot ch'buis et après in allot l'vinte in faijant du porte à porte au n°3 au n°7 cité Maistre route nationale et l'philosophe .
in allot à l'maison du plus vieux enfant c'choeur in mettot chés sous sur l'tape et in partageot in 6
et à Pâques parèle in passot pour chés oeufs et in comptot chés oeufs et chés sous et in partageot.
chétot comme cha
quand j'ai été l'plus vieux mais pas l'plus grand , ch'curé m'a dit d'ramner tout à s'baraque , et qui aurot fait l'partache li minme
j'l'ai in parlant polimint invoyer à (l'messe )
in savot c'qui valot avec chés sous , i aurot vindu Jésus comme l'aute