la manille, chéto du sérieux

la manille chéto du sérieux, d abord in essuyo bin l' toile cirée, ou plutot in passo l éponche et aprés ch' torchon

après in metto l'feutre sul'tape, ouais in d' sous chéto un tchiot peu adhérent , yavo d' zaspérité pour pas glicher sul' toile cirée ,et par dessu chéto eune espèce d' feutre vert, comme dins ché casino, pour pas abimer ché cartes

in sorto pas n' importe quel jeu d' cartes, ah nan malheureux , in juo pas avec un jeu du qu au verso chéto eune annonce publicitaire, nan , in juo al' mason avec un ju qui dato d' mononque octaffe, chés cartes ale zétotent dans un boitier , ale zétotent comme glacées, et au verso chéto des zoziaux japonais ...

manile à deux

sul' tape carte artournée non visipe, sul' tape , eune pour ti , eune pour mi , eune pour ti , eune pour mi, eune pour ti , eune pour mi, eune pour ti , eune pour mi

ensuite deusse pour ti, té lé prenno en main, deusse pour mi, que j' metto au coin del tape, deux pour ti , té lé prenno en main, deusse pour mi , que j' metto au coin del tape, deusse pour ti , té lé prenno en main, deusse pour mi, que j' metto au coin d' el tape

ensuite j artourno eune carte sur t' premiere carte non visipe , pi eune sur m' premiere carte non visipe et ainsi de suite jusqu au quatrieme tas

ensuite j' ardistribuo 4 quartes pour ti, que té prenno en main, et les quates derniers pour mi, que j argroupo avec ché cartes que j avo laissé au coin del tape

ch' est à mi à décider , d' faire l atout, sacré jeu que la manile à deux, pour mi la plus difficile pasque au tout début quand que té fait l atout ou quand que té pourro t' décider à coincher , y a , au total 8 cartes artournées , quate chez ti et quate chez mi, qu in peut pas savoir de quo ale sont composées

in fait l atout, in ravisse les 8 cartes visipes qui sont sul' tape, quate à mi et quate à ti, cha t'donne eune premiere idée des forches d' tin adversaire, mais té conno pas c' qui a dins ses mains, ni c' qui a sous ché cartes ..

supputations, risque, trente points à faire pour commincher à marquer, pas se fier seul'mint au nompe d' manile (les 10) ou d' manillons (les as) qu in a en main, tout cha cha peut et' coupé aussi ...

pi eune fo que t as balancé t' manile et ton manillon, si t as pas d' ju aprés, ch' est l aute qui print la main

ch'éto aussi un jeu de stratégie, et j avo ker y juer

oh j' m a pas lancé comme cha d un coup, j a observé durant d' zannées min père et mononque octaffe, qui éto ch' maite d' la manile comme dijo min père

i calculo tout, i supputo tout, et quand que min père i pinso faire ché derniers plis i dijo souvint"Léonce, zavez pas vu que j' avo min roi troisième" ...et là i rafflo tous ché derniers points, souvint les plus importants, quand qu in meno jusqu à la fin , en espérant l' passer sin as second,ou sin roi, entre les males du filet ...

après yavo l' manile à quate ...................... rin qu à écrire cha , j intinds cor min père crier , l' mot est pas galvaudé, crier "BAT ATOUT"

alors j' vous mets l' phrase complète, pasque in coup i s éto emporté contre m' belle soeur qu ale juo avec nous , oh mais après ale hésito à faire l' quatrième

"BATTEZ ATOUT" "SI J'AI PRIS L ATOUT, NE REFLECHISSEZ PAS, SI VOUS PRENEZ LA MAIN, BATTEZ ATOUT" "SI J AI PRIS L ATOUT C'EST QUE J AI DU JEU EN MAIN , ALORS JE VOUS EN SUPPLIE BATTEZ ATOUT"

j' vous a mis cha en majuscule, tel' mint qui parlo fort, m' belle soeur ale in avo brait, et min père i savo pu du s' mette, faut dire que ch éto un passionné

d' ailleurs qui fassent ché points ou qui les fasse pas , à la fin d' chaque donne , i fallo qui nous disse que s' dame ale éto trosième, qui pinso que untel i avo l' manillon vu qui avo jué comme cha , que l aute y allo coupé pasque i s éto "défaussé" à trèfle ...

après yavo des phrasses rituelles, quand qui n a un qui entamo en "pique" i n avo un qui dijo souvint "pique in' n a"

en fait chéto pour arprinte l' nom d' l apéritif , le "pikina" ........

Eh Minloute, té v'nu raviser din m'famille pour raconter tout cha. J'éto mort ed rire in lisant tout cha que té dit passe que chéto exactement parel ..
Ché tante ché mon onkes juotent A cartes, bien dire A cartes, 2 à 3 coups par semaine et chéto un copier coller de t'famille.
Plus el partie al avancho, et plus on se s'ro cru din eune famille de sourds. Et des tricheux pas possipe...mais chéto les même phrasses les mêmes manigances, chéto note histoire du bassin minier..

nous bin sur comme j'l'ai d'ja dit chetot l'belote , cha faijot plus sérieux , l'manil chetot un ju pour chés femmes qu'in dijot
ya in cosse qu'yé sur ché qu'j'avos jamais intindu parler d'el manil à deux , et pour mi cha a l'air bin compliqué , ou ché tout simplemint passe que mes neurones y veultent pu suif