festivités Vieux Marché de Bruay
par Sopraniste de Bruay le, 09/04/2013Pour avoir en' numérisation visuelle, cha ess'ro dur, par contre mi j'ai en numérisation mémorisée..
habitant rue Desseilligny ed 1935/1942, mes parints et tout el famill', on est arrivé in 1942 rue ed Béthune à Bruay, et ché in bas del rue, dinl' rue Marmottan qu'avo lieu les festivités du Vieux Marché..
Cha s'oublie pas.. Comme y avo pas cor d'auto ni ed garage dinl' rue ed Béthune, ech' va et' parler des années 1948..
In bas del rue y avo el manèch' des vélos à en' reul, on éto assis sur en' selle et on s'téno à cha poignet devant.
si mes souvenirs sont bons y a pas longtemps que quiquin y avo en' photo d'ech' manech' la sur HDC..
Après dinl' cour ed' l'école Jules Ferry, i avotent installé el bal monté..
sur el tiote place au coin del rue ed la Cavée et Marmottan, y avo un coup un aut' manech' pour ché plus tiots..
Toudis rue Marmottan in face del rue ed l'Abattoir "disons ach'teure rue Casimir Beugnet" y avo en' tiote place, qui existe cor ach'teure, al s'appello place du Vieux marché, là des coups y avo eu un manech' ed chenilles arcouvertes, et d'autres années des autos tamponnantes..
Après toudis dinl' rue Marmottan à partir del rue d'Arras, jusque l'intrée del rue Dr Dourlens, chéto des marchands ed nougat, des tirloteries, aussi el tir pour abattre ché boites ed conserves montées in pyramides, et bien d'autres jeux, et ainsi qu'en' sonno installée tout du long..
Mais el plus bieau chéto el défilé du Corso Fleuri qui démarro à l'intrée del rue Marmottan, et finicho direction rue Dourlens..
par la suite des années les manech' i ont cangé, in plus el bal i éto installé sur el tiote place à droite in haut del rue Cail/coin avec el rue du Moulin "ach'teure rue Wéry"
Ché vrai que M. Forget qui téno el café rue Marmottan in face del rue ed La Cavée chéto un rude organisateur des festivités ed sin coin.
Des cabarets et des commerces multiples in' avo en' tapée dinl' rue, ach'theure, y a pu rien.. et les Festivités du Vieux Marché sont parties avec...
Ché la mort ed Bruay villach'. et pi ed la ville aussi.
Hier avec l'association des Médaillés du travail ed Bruay, ess' su allé à in tiot voyach' qui organisotte.. ché pas trop loin, un peu aud'ssus ed Valenciennes. Au Quesnoy, en tiote ville ed 5000 âmes, mais euss' i ont en gare SNCF, alors d'inch' bus, y a des paroles qui sont parties in fusée au sujet del gare.. surtout qu'el personne qui nous expliquo la visite del ville fortifiée que ché gins qui veutent aller à Lille : Valenciennes ou autres i ont ech' train...
Sopraniste i a raison de regretter les festivités et surtout el corso fleuri qui attiro plus de 10000 visiteurs ... au momint de la grandeur.
Je m'rappelle que l'bal il avo lieu pendant 4 jours du samedi au mardi soir!!!
I m'semble que quand j'éto cor pétit j'avos été vire Jean Nohain en plein air avec mes parents, pi quand j'ai eu une quinzaine d'années j'avo vu aussi Jacques Dutronc.
I avo des rudes vedettes qui venotent tous les ans. L'estrade al éto montée à l'angle del rue Cail et del rue Wéry (ex-rue du Moulin et on pouvo monteé sur el butte pour raviser...comme au théâtre.
La mort des festivités cha a été le changement del rintrée des classes, du 1er octobre au 15 septembre, pi au 9 pi au 2 septembre. Comme el ducasse al avo lieu le 2è W.E., bien évidemment, ché gins pinsotent plutôt à aller cacher ché fournitures que d'aller dépinser sur les manèges...
J’pinse que j’va faire plaisir à quiqu’un, j’ai des photos du Corso Fleuri, ch’est mi qui est dins l’carette avec min frère et ch’em’mère qui pousse, min père i print chés photos.
In ravisant bien vous allez vous ra’plez des manech' et d’chés maisons et p'tète que vous allez ar'connait' quelqu'un..
Cha dot ête vers 1950.
( 2 photos)