ch' car

quand que j armonto dinch' nord ché dernieres années, eune fo déchindu al' gare d' béthune, j allo attinte l' bulle

ouais ch est l' nom d' l autobus qui fait la navette tous les 20 mineutes entre Béthune et Bruay

y a souvint du monte d' dins, eune fo que té l a pris à l arret qui a au coin d' l hotel face à la gare, ch' bus i va s'perde dins Béthune meme, passer d' vant ch' collège, pi arvenir vers ch' grand rond point qui va du coté d' Lillers et d' Chocques et d' l' aute , vers Bruay

y a souvint du monte, dans les deux sens d ailleurs , pasque y a toudis des gins pour aller travailler ou faire des achats à la poste nord

à certaines heures ch' est l' ballet des poussettes et des sacs à provisions...

mais j' a armaqué, ché gins , viux comme jones, dissent bin "au r'voir " ach' chauffeur

quand que j' dis "chauffeur" j auro pu dire "chauffeusse" quo que , l expression ale peut et' mal interprétée ...

ch'est vrai qui a un sacré cang'mint entre ché zautobus d avant et d asteure , d' abord au niveau du conducteur, comme jel diso, ché l' plus en plus souvint eune conductrice, avec toudis ravisez bin , avec toudis des bouques d' oreles

ch' est pas pasqu ale font asteure un métier qui éto réservé à ché zhommes qu ale zont perdu in féminité et in s in plaint pas

faut dire aussi que entre eune garnoule qu ale conduit , et le souv' nir d'certains anciens chauffeurs ...

blouse grise, casquette sul' tiete, roulée collée au coin del bouque, et l' sacoche in cuir infilée en bandoulière, l' moins qu on puisse dire ch' est qu in a plutot évolué vers l' mieux ....

rin qu aussi au niveau du "distributeur de billet" , chéto eune relique, ch' chauffeur i faijo bouger des tchiots curseurs in ferale, et aprés i tourno l' manivelle sul' coté, et cha y est t avo tin ticket

plus ou moins bin lisipe ,cha dépindo si yavo cor assez d encre d' dins et bin sur avec l' minimum d information d' sus

asteure ché tout un cirque ou plutot in s' deminte si ch'est pas géré par satellite, tem' dira facile asteure , j' cro bin qui a pu qu un prix ....

in tout cas sur ch' ticket t as toutes ché zinformations, as' diminder si y a pas eune caméra, ptete bin d ailleurs, qui nous surveiller durant qu in print l' ticket ....

d' sus y a d' marqué l heure que té l as pris, ouais pasque si j' em souvins bin té peut printe des correspondances dans l espace d eune heure que ch' billet y est édité ....

pi rin à vire nan plus pour l' conducteur, j' sais pas si zavez vu, mais par momints i do appuyer sur un bouton, am' mote ch'est un mouchard pour savoir du qui est , et i doivent comme cha raviser d eune part du qui est , et pi cha do leur permette aussi d' savoir du qui est , en avanche ou pas ....

in plus j' a dja vu cha , y a des controleurs qui montent dins ch' l autobus et qui te d'minte tin ticket ......

question conduite, ou plutot question confort, in a pas as' plainte, j' diro meme que ch'est trop mou

nous in a connu ché zautobus artésiens, du que quand qui yavo des nids d' poule , t éto bin secoué, et t avo interet par indrots, aprés té les connaisso, d' bin t ' accrocher al' poignée du sieche d' devant ....

et cor j a été gentil, j' vous a comparé avec les autobus artésiens, j auro pu faire cha avec les cars bleus ...

l' car bleu i passo un peu plus tard , y zétotent plus anciens, chéto cor plus spartiate comme confort, mais bon in éto bin contint d' querre d' sus quand qu in avo été farcé pour printe chti des zautobus artésiens

dins ch' car bleu, chéto cor plus "olé olé" , j' me souviens qui fallo presque enjamber ch' passage au miyeu du qui yavo en fait ch' moteur et la boite de vitesse

d' ailleurs j' me d' mindo commint qui pouvo faire ch' conducteur pour les passer ché vitesses, ch' levier i paraisso presque et' derriere sin dos, pi cha craquo sec .... mais bon in arrivo quand meme à bon port

fallo pas s' plainte

asteure à béthune y a pu l' grante gare routiere qui yavo su la droite d' la gare

j' avo ker y aller pasque tous ché zarrets étotent réunis là, sous eune espèce d un auvent in béto qui dépasso del gare routiere

ch' est vrai qui fallo faire plus attintion qu asteure, pasque si té raviso pas l' destination dech' car, té pouvo t artrouver à barlin au lieu d' bruay

mais pour mi ch'éto plus convivial, pi nouzautes qu in sorto du lycée, in avo ker accompagner, raccompagner ché garnoules jusqu à leurs bus, et que y a des coups in faijo meme du bouque à bouque d' secourisme, ouais fallo jointe l utile à l agréape

asteure tout y a été abattu, l' gare routiere, comme l' grand garache qui yavo à coté ,et asteure, ché zarrets d' bus i sont disséminés autour d' la gare

ch' est bin dommache ...