Les jardinschés machons
par maurice devos le, 18/04/2013in a toudis dit qu'ech'traval d'ech'mineur chétot ch'boulot l'plus dur qu'in pouvot trouver , avec bin sur
et la "j'in connos un qui va ête contint" ches ouvriers et ouvrières din chés filatures
et ché bin vrai avec un tiot bémol ed'pu in paire ed'jours pour mi , in arpinsant à d's'ouvriers qu'j'ai vu travailler alors qu'j'étos cor gamin , ché chés maçons , chés couvreurs , chés charpentiers qu'yont bati chés cités des mines
et in particulier l'cité des fleurs à Lens fosse 12 , tout yetot fait al main , d'el caf al toiture , j'em rappelle pas d'avoir vu in bétonnière , in plus d'su d's'échaffaudache plus ecqu'douteux
ches briques et chés tuiles y z'alottent ed' main in main jusqu'ach d'euxième étache, y faijotent la chaine tout in n'travaillant pas
"al'chaine"
chétot formidape d'les vir jéter le briques sans s'arréter nous yux d'gamin y suivotent cha
pi ché devénu courant et sans intérêt , chétot dévénu banal , à part qu'ach'teur in vot cha avec in eul différent , et in arpinse à tout chés énormes batimints construits din l'temps , par d'z' hommes qui n'avotent rin à part le main et le courache , chapeau
leurs devises surtout ceux qui arfaisotent ché plafonds chétot:
si cha qué cha n'quéra pas
si cha n' qué pas cha quéra quand même.
cha voulot dire:
si té verses à boire, i fera du traval prope.
sinan té ramassera el fien.
