murisserie
par maurice devos le, 11/05/2013ya d'cha 50 ans , in 1962 j'étos chauffeur poids lourd et ch'travaillos pour "honoré" Lille , fruits et primeurs , ch'sais pas si cha éxiste cor, mi j'etos al succursale ed'Lens , et tout les matins yavot ch'marché d'gros d'su ch'boulevard basly
que l'ambiance cha donnot ch'te marché
comme chés halles cha comminchot d'bonne heure , mais fallot qu'cha seuche terminé ch'sais pu , mais suremint pas plus tard qu'huit ou 9 heures , après fallot qu'tout seuche nettié pour armette el circulation
pi comme j'ai eu des problêmes avec ech'patron , y ma licencié , et j'ai artrouvé du boulot d'l'aute coté d'ech'boulevard , din in murisserie d'bananes
chés bananes vertes y s'arrivotent par camion, y fallot les déquerquer
chetot des régimes , accrochés ach'plafond d'ech'camion , et comme chés bouchers yavot qu'a mette es'n'épaule pas d'sous et cha s'décrochot facilemint
in les dechindot al caf d'ech'magasin et la dins in grante salle fallot les raccrocher , cha allot tout seul , et quand chétot plein , yavot un chef qui allumot chés becs ed'gasse , et cha restot la jusqua qu'cha seuche mure
apres yavot pu qu'à livrer , chétot quand même plus agréape ed'livrer, j'ai abandonné tres vite pour mi d'aller faire un stache ed'soudeur au FPA Liévin