M comme Méguerlot

un méguerlot, cha ch'est un mot que j avo ker, un méguerlot ché quéqu un d' pas épais
du ginre qui a interet à avec du plomb dins les godasses quand qui a du vint sans quo i va s involer

souvenir associé :

un coup y a quéqu un que j' connaisso qui avo besoin d un coup d' main , chéto pour arsortir eune viele chaudiere qui éto chez s' mère rue de Paris

in y va, et j' peux vous dire que cha nous faijo pas peur d' bouger cha

in arriffe à mon des' mère, ale éto djà agée, pi savez ché personnes agées ale sont gentiles mais rin qu en arrivant j a vu qu ale allo pas arreter d' nous donner des recommandations

ale dijo à sin fils " attintion al' porte" "attintion à chichi quand que té va tourner, abime pas ch' meupe au coin, j y tiens" "attintion quand que té vas marcher dinch' gardin d' pas marcher su ché fleurs " ..

bref , en restant poli, eune "inquiète" ...

d' ailleurs sin fils i l a , j allo pas dire l invoyer prom'ner mais ch'est tout comme , qu ale reste djà pas dins l' passache , et qu ale sorte del' buand'rie ...

eune fos cha fait, in s' ravisse in s'met d' chaque coté del chaudière, in s'ravisse cor un coup, in soupèse l' betal, vinguette chéto pas léger

allez in s' baisse in comminche al' léver, et j' peux vous dire qu in a eu toutes les peines pour l' sortir del pieche, pas qu in avo peur d' cogner dins ché murs, mais chéto pas léger, pi yavo pas grinmint d' prisses

bin seur pindant qu in faijo cha, yavo s' mère qui éto restée pas loin , à peine en r'trait , et ale a comminché à nous donner s' n avis, à donner des consels à sin fils et j' peux vous dire que chéto stressant ...

"té devro l'printe pas comme cha" ", "cha va pas passer" , "tintion à ch' coin".......

cha y est in arriffe al' camionette qui avo loué pour qu in inmène l' chaudière al' décharche, et là in s' positionne, et fallo l'lever d un bon metre pour l' intiquer sul' plateforme, in essaye un premier coup, in deuxieme coup, et in y arrivo pas

là in comminche eune troisieme fois, in s'dit , là in donne tout et pi in in parle pu, in comminche al' lever, in ravise , et là on intind s' mère qu ale dit à sin fils " té sait ché deux qui l ont amnés, j' me souvins bin , chéto 2 méguerlots" ...
alors là in a arposé l' chaudière vite fait, tout juste si in l a pas prisse sur ché zortiaux, in avo attrapé un sacré fou rire

pour mi quand que j intinds ch' mot "méguerlot" j' nous arvo in train d' suer à déplacer l' chaudiere

la fin de l histoire ? min camarate y a été querre 2 vigins, et à quate, in y a arrivé quand meme ...

j'a cor bin ri avec ché racontach's à minloute.
comme in dit "y'a ein'guiffe i n'n'est pas mait'"
ché méguerlots ché des sécral's, des pouchins d'hiver, des saurets d'étalach'.
j'm'in lasse pas.

quand min père i parlo d'un méguerlot i dizo aussi ché un "réchué". mais un réchué chéto aussi un sécrale.