Les jardinsO comme ortiaux
par minloute le, 26/05/2013dins l' rue Leverrier, y avo un monsieur qui parlo que patois et cor yavo un défaut d' prononciation, in plus y éto sourd comme un pot pour tout arringer ..
mais y avo cor pire ch est quand que min père i m invoyo as'mason pour li donner un papier concernant s' pinsion, et là..chéto l' cacophonie, pasque s n épousse, elle aussi ale éto sourte comme un pot ..
j a oublié d' vous dire, pour mi ch est évident , j' les zarvois cor , i zétotent djà très agés
alors chéto à chti qui crio l' plus fort pour s' faire intinte, tous les deux avotent un défaut d' prononciation , et tous les deux , chéto marrant d ailleurs, s'excusotent que leur époux ou épouse étot sourd comme un pot et que cha les obligeo à parler plus fort ...
pour in arvenir à "o come ortiaux", l' titre du sujet, chéto un jur du qui faijo frod, mais frod, mi j arveno d avoir été jué avec mes camarates dins l' pature d' la rue leverrier
et ch' monsieur là , quand que j a arpassé d'vant li , i m' dit " i fait frod, j a du mau à mes zortiaux"
al' mason comme j' dis souvint, in parlo pas l' patois, min père avo passé s' n infance en région parisienne, et m'mère dins s' famille, mon diu ... autant m' grand mère ale avo d' zexpressions patoisantes quequ' fos, autant ale éto pour que tout l' monte parle français
donc m' vla d'lèque , mi j' y souris, mais j' sais pas quo que ch'est des ortiaux, j' me d'mindo si chéto pas eune maladie, cor pire si chéto pas un gros mot pour désigner quo que ché garchons i zont dans l'entre gampe...
j a quand meme d'mindé à min père et ch'est là que j a compris que "ortiaux" cha voulo dire "orteils" ...
