la relève...qui après nous ...
par minloute le, 28/05/2013sur que ch'est eune question qu in s a djà posé , qui qui va arprinte le flambeau après ché mineurs?
bon là y a pas trop à s inquiéter in est quand meme nombreux, y a plein d' sites sul' bassin minier , souvint et cor heureux, avec des zapproches différintes ...
in y croise d anciens mineurs pi des gins qui ont connu chte périote du que l' bassin minier yéto cor en activité ... meme si ch'éto la fin...
mais aprés nous ceux qui ont presque tous au moins l' cinquantaine ....
mi j'éto cor assez pessimiste,qui qui aura aprés nous ?
j'diro asteure que cha s' ra pas en quantité , mais en qualité qu in trouvera des gins qui après nous arprandront l' flambeau
i zauront cor plus d' mérite, pasque pour eux, l' sirène d' à midi, ché molettes qui tournent, ch' carbon rintré par ch' soupirail......... pi tout l' reste bin i zont pas connu
mi j' su cor confiant, sur facebook j' vo Kevin, qui si i continue cha devro et' un d' ceux sur qui qu in pourra compter
après y est cor jone, y a que 16 ans, mais j in conno pas grinmint qui sont passionnés comme li de tout c'qui touche à ché mines, qui participe avec ses faibles moyens à des manifestations pour sauvegarder l' patrimoine minier
16 ans, Kevin, quéqu un d' tout simple, qui a eune aute passion, ch'est la première guerre mondiale, rare aussi pour un jone d' son age
après i grandira, in sait pas d'quo demain s'ra fait, mais j ' cro que y a cha dins l' vinte et comme j' l a djà dit dans un sujet précédent , vous pouvez allez l' vire le 7 juin à Evin Malmaison
pour plus d' renseignemints, ravisez l' sujet "le 7 juin à Evin Malmaison"
té peux compter d'su mi minloute pour aider kévin